Nga Mis Velingrad deri te akademia më e njohura sportive në botë dhe praktika me atletët më të mirë, me financierë të suksesshëm, me ushtarakë – kjo shkurtimisht është kartëvizita e bullgares Borjana Razsollkova.
Mezi 16-vjeçare ajo u bë Mis Velingrad, por shumë shpejtë zbuloi, se kjo nuk është bota e saj. Prandaj u orientua te një profesion, i cili kishte perspektivë në botën e ndryshueshme drejt demokracisë. Për këtë zgjedhje vet ajo shpjegon:
“Në fillim të viteve 90-të të shekullit të kaluar psikologjia kishte një popullaritet, si në universitet, ashtu edhe si profesion. E preferova në vend të drejtësisë, sepse desha të zbuloj botën e brendshme të njeriut.”
Pasi u diplomua specializoi psikologji sportive në qytetin Pllovdiv. Pas kësaj filloi punë në Ministrinë e Rinisë dhe Sportit. U nisi për në Dubajin me bashkëshortin Desisllav Kollev, i cili u ftua trajner i ekipit kombëtar të atletikës së lehtë. Deri në vitin 2012 Borjana Razsollkova punonte në një kompani sportive, gjë pas së cilës nisi punë në Aspire Academy.
“Është e domosdoshme që trajnerët të punojnë me psikologë sportivë, sepse dobia e bashkëpunimit të tyre është e dukshme – rrëfen për punën në akademi Borjana Razsollkova. – Kjo për shkak se psikologët punojnë jo vetëm me trajnerët, por edhe me sportistët. Për fat të keq ka shumë shembuj se si sportistë të talentuar për probleme me trajnerët heqin dorë nga karriera e suksesshme. Kështu që synimi i psikologëve është që të ndihmojnë për vendosjen e lidhjes më të mirë midis sportistit dhe trajnerit. Doemos vëmendja më e madhe përqendrohet mbi sportistin, i cili duhet të bëhet i disiplinuar dhe pas kësaj me ndihmën e specialistit të zhvillojë përqendrimin, qëndrueshmërinë, cilësi fizike krahas atyre psikologjike. Kjo për shkak se ato virtyte ecën krahë për krahë.”
Në sajë të punës në Aspire Academi, ku qëndroi deri në vitin 2014, Borjana Razsollkova kishte fatin të njihet me yje të tilla të mëdha sportive si ish futbollisti Raull Gonzales dhe tenisti Rafaell Nadall. Sot bullgarja vazhdon të jetojë në Dubaj, ku jep mësime të disiplinës më të re të quajtur brejn trejning (brain training). Qëllimi është të trajnohet truri, ashtu siç trajnohet trupi.
“Fillova të interesohem për brejn trejning pasi u largova nga akademia në Katar – tregon Borjana Razsollkova. – Trajnimi i trurit, siç trajnimi fizik u ndihmon jo vetëm sportistëve. Ai shfrytëzohet në shumë sfera të tjera. Për shembull më kërkojnë ushtarakët, kompani financiare, pra organizata ku nëpunësit duhet të shfaqin një përqendrim më të madh dhe ku puna shoqërohet me një tension dhe stres. Kjo disiplinë e re ndihmon që një sërë virtytesh të zhvillohen në nivel më të lartë, si për shembull përqendrimi, mendimi, intelekti, reagimet. Studimet tregojnë, se të gjitha ato janë në varësi jo vetëm të premisave individuale, por janë çështja e trajnimit.”
Përgatiti në shqip: Svetllana Dimitrova
Fotografi: arkiv personal
Një tjetër donacion i madh për komunën shqiptare të Prespës së Vogël është bërë nga Fondacioni “Kujtesa Bullgare” më 14 shtator në fshatin Globoçeni të Komunës së Pustecit. Fondacioni siguroi një kontejner mjekësor të pajisur plotësisht për fshatin..
Fshati Radevo ndodhet në Bullgarinë Verilindore, jo shumë larg nga kryeqyteti ynë detar dhe po ashtu qytet i madh turistik - Varna, distanca është rreth 30-40 minuta me makinë. Në Radevo ka jo më shumë se 60 banorë, shumica e të cilëve janë mbi 60-70..
Fshati Gomotarci në Vidin ka një histori të çuditshme. Dikur ndodhej në një vend tjetër, kilometra larg nga aty ku është tani. Pasi një murtajë e tmerrshme goditi një pjesë të madhe të banorëve të tij, të mbijetuarit vendosën të digjnin shtëpitë e tyre..
Më 5 tetor 2024 u hap shkolla e parë bullgare e së dielës në fshatin Trebisht të Gollobordës, Shqipëri. Shkolla mban emrin e festës më të bukur bullgare..
Më 22 dhe 23 shtator, bullgarët, kryesisht nga Italia Veriore, u mblodhën në qytetin e bukur italian Brunate mbi liqenin e Komos, në sfondin e Alpeve..