Sociologët konstatuan një vit shumë të suksesshëm të Presidentit Rumen Radev dhe Nënpresidentes Iliana Jotova. Sipas sociologut Julij Pavllov, drejtor i Qendrës për Analiza dhe Marketing, i cili dha një intervistë për Radion Kombëtare Bullgare, kjo ripohohet nga përqindja e lartë e miratimit të Presidentit – 60 – 65 për qind, pasi ai e zuri postin, që është një rezultat shumë i mirë. Nënpresidentja Jotova gjithashtu vazhdon të ketë një rejting shumë të lartë – nga 40 deri në 50 për qind, që e radhit ndër pesë politikanët me nivel më të lartë të miratimit. Sipas Pavllovit, Presidenti Radev ka pasur një reaksion të saktë në shumë situata, kurse në veprimet e Jotovës bën përshtypje rolin e ri të institucionit të Presidentit.