Përpara disa ditëve në shtëpinë e kulturës “Hugo fon Hofmanstall” në Vjenë u zhvillua një forum interesant shkencor me temë “Proceset e komunikimit midis Lindjes dhe Perëndimit në kulturën muzikore evropiane në fillim të shekullit të 20”. Ai qe i organizuar nga dega kulturore e rrethit të Tretë të Vjenës, në territorin e të cilit gjenden institucione të shumta emblematike.
Krahas me shtëpinë “Hofmanstall” mes tyre janë qendra për studimin e muzikës moderne “Arnolld Shjonberg”, Akademia për arte të bukura dhe muzikë, një nga sallat më përfaqësive për koncerte në Vjenë “Koncerthaus” Wiener Konzerthaus, si dhe godina “Hajdertvaserhaus” Hundertwasserhaus, përmes së cilës mbrohet ideja për një arkitekturë moderne në një harmoni me mjedisin natyror. Ndaj tyre duhet të shtohet dhe shtëpia “Vitgenshtajn”, e cila mban emrin e filozofit të madh austriak, e cila tani është selia e qendrës kulturore Bullgare dhe një seli për shfaqje të shumta kulturore. Ky rajon i kryeqytetit austriak është i lidhur po kështu me emrat e personaliteteve si Glluk, Hajdn, Mocart, Betoven, Brams, Brukner, Maler, Jozef Marks, Anton Vebern, Rihard Shtraus dhe akoma shumë kompozitorë të mëdhenj, të cilët kanë jetuar dhe kanë krijuar aty.
Drejtues shkencor, koordinator dhe drejtues i këtij forumi qe doktoresha Allbena Najdenova-muzikolog dhe këngëtare, e cila prej dhjetëra viteve jeton në Vjenë. Në kuadrin e forumit u prezantuan 9 raporte të autorëve nga Lituania, Rusia , Austria, Ukraina, Gjermania dhe Bullgaria. Ato shfletuan faqe shumë pak të njohura ose fare të panjohura nga historia e të ashtuquajturave kultura të reja muzikore, të cilat nga fundi i shekullit të 19 fillojnë të deklarojnë një prani personale në hapësirat e muzikës evropiane. Pjesëmarrja bullgare përfshinte aspekte të ndryshme të temës përmes raporteve të Bozhidar Dobrevit, doktoresha Allbena Najdenova, doktoresha Angjelina Petrova, profesoresha doktor Anda Palieva.
Takimi në “Hofmanstall” kaloi në një atmosferë të një ekspozite, e cila i kushtohet sopranos Ana Tomova-Sintova. Përmes më shumë se 250 fotografive, ekspozita pasqyron rrugën e pasur krijuese dhe repertorin e këngëtares së njohur-pjesëmarrjet e saj në shfaqje të ndryshme të operave nga Mocarti, Verdi, Rihard Shtraus, Puçini, Vagner e të tjerë, gastrule nëpër skenat e teatrove më të mëdhenj të operës në botë dhe bashkëpunimin e saj me këngëtarë të njohur, dirigjent dhe regjisorë.
Ngjarja përfundojë me koncert me krijime të Stravinskit, Dimitër Nenov dhe kompozitori austriak Diter Kaufman. Dhe përsëri duhet të shënojmë pjesëmarrjen e përzemërt të Allbena Najdenovës /tani si soliste/ të kompozitorit Vlladimir Pançev /si pianist/, si dhe të violinistes së re Joana Ruseva, e cila bashkë me Angjelina Petrovën prezantoi pjesën e 1 nga Sonata për violinë dhe piano të Dimitër Nenovit.
Nga bisedat e zhvilluara pas çdo një raporti u duk se, kjo tematikë do të shkaktojë një interes gjithnjë e më të madh në vendet e ndryshme dhe ideja e organizatorëve është që takime të ngjashme të kthehen në tradicionale.
Përgatiti në shqip: Nataniela Vasileva
Nga 2 deri më 7 gusht në pushimoren malore Borovec do të mbahet edicioni i tretë i Festivalit Ndërkombëtar të Xhazit “Dr. Emill Iliev”. Forumi muzikor është tashmë një traditë në kalendarin kulturor të resortit tonë malor. Sipas drejtoreshës së..
Për të gjashtin vit radhazi, fshati malor Debnevo në rajonin e qytetit Trojan po pret Festivalin Ndërkombëtar të Muzikës dhe Artit Jam on the River. Veprimtaria, e cila mbledh shumë muzikantë të huaj dhe vendas, mbahet nga data 31 korrik deri më 3..
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora..