Më 28 janar Akademia Kombëtare e Artit Teatror dhe të Filmave mbushi 70 vjet nga themelimi. Përfundimi i vitit jubilar 2018 do të shënohet me një koncert special, në të cilën do të jenë ftuar të gjithë ata, të cilët e kanë mbaruar akademinë. Në kuadrin e jubileut studentët do të realizojnë shfaqje teatrore në shumë qytete të vendit.

Pas Luftës së Dytë Botërore interesi ndaj teatrit u rimëkëmb. Me kalimin e viteve kërkesat e publikut u shtuan dhe kjo e nxori në plan të parë domosdoshmërinë e përgatitjes së regjisorëve dhe artistëve të rinj. Si rezultat me Dekret të Këshillit të Ministrave nga 28 janari i vitit 1948 u krijua Shkolla e Lartë Shtetërore Teatrore. Sipas Dekretit shkolla e re duhet të formohej mbi bazë të Shkollës Shtetërore Teatrore e cila ekzistonte pranë Teatrit Popullor. Nga viti 1951 ky institucion mban emrin e artistit Krëstjo Sarafov, i cili rikrijoi në skenë një sërë rolesh nga pjesët e Shekspirit, Gogolit, Çehovit, Molierit e kështu me radhë.

Pedagogët e parë, nja 20 krijues, filluan të mësojnë studentët në të gjitha fushat e profesionit të artistit – drejtshqiptim, valle, sjellje skenike, fjalë artistike. Elemente këto të cilat janë me rëndësi për profesionin e artistit.  Rektori i Akademisë profesor doktor Stanisllav Semerxhiev e bënë këtë saktësim, sepse ato janë cilësi të cilat edhe më sot grumbullohen gjatë studimeve. Përsa i përket interesit të të huajve të mësojnë në akademi, profesori Semerxhiev shpjegon:

“Interesi i studentëve të huaj është minimal, sepse ata duhet të zotërojnë gjuhën bullgare. Krahas kësaj për të mirën, apo për të keqen, standardi në Bullgari akoma nuk është tepër i lartë. Vjet erdhën 15 të rinj nga Singapori, të cilët deshën të mësojnë tek ne, të frymëzuar nga filma të studentëve bullgarë. Mirëpo, pasi panë rrugët, konviktet, teknikën, me të cilën disponojmë, ata hoqën dorë. Në këtë sfond te ne mësimi për diplomën e baçelorit vazhdon 4 vjet, pavarësisht se ka specialitete ku mund të zgjatet vetëm 3 vjet, pa këtë t’i dëmtojë procesit të mësimdhënies. Mirëpo, vet ligji nuk lejon, që kohëzgjatja e mësimit të baçelorit të jetë më pak se sa 4 vjet.”

Në akademi numri i pedagogëve të rinj nuk është i madh. Megjithëqë udhëheqja bënë përpjekje të tërheqë të rinj situata në të cilën ndodhet arsimi i lartë tek ne e bënë këtë një detyrë e vështirë. Rritja e pandërprerë e rrogës minimale të punës tek ne bënë që rrogat minimale t’i afrojnë rrogat e asistentëve. Asnjë i ri nuk mund të shfaqë interes kur rrogat janë të tilla, për më tepër në se ka dëshirë të avancojë.

Shpërblimi i ulët, lodhja dhe përpjekjet që tregojnë në punën me studentët, thitë shumë prej energjisë dhe dëshirës së pedagogëve për zhvillim. Ndaj çdo studenti ata duhet të shfaqin qëndrim individual, përgatitja e çdo roli kërkon kohë dhe shumë punë. Kjo mbetet e fshehur për publikun, sepse ajo shikon shfaqjen mezi në premierën e saj ose pas kësaj. Prandaj salla e mbushur me njerëz dhe interesi ndaj kinemasë bullgare janë çmimi më i madh për artistët.

Rektori i Akademisë Kombëtare të Artit Teatror dhe të Filmave profesor doktor Stanisllav Semerxhiev është kategorik, se cilësia e arsimit në akademinë bullgare mund të krahasohet me cilësinë e arsimimit në institucionet e përngjashme jashtë shtetit.

Përgatiti në shqip: Svetllana Dimitrova

Foto: arkiv personal