Ish lideri i kurdëve është kandidat për president të Turqisë
Selahattin Demirtas, ish lideri i Partisë Demokratike Popullore, me kombësi kurde, është kandidati për zgjedhjet e ardhshme presidenciale të Turqisë, të cilat do të zhvillohen më 24 qershor. Në të njëjtën datë Turqia do të votojë edhe për përfaqësuesit e popullit në Parlament. Demirtas është arrestuar që nga nëntori i vitit 2016 me akuzë për lidhje me grupimin e armatosur Partia e Punëtorëve të Kurdistanit. Formacioni kryesor opozitar Partia Republikane Popullore do të shpallë kandidatin e saj të premten.
Sekretari i përgjithshëm i OBZHE-së përshëndeti Greqinë për reformat
Greqia ka bërë përpjekje të shumta për reforma që nga fillimi i krizës së borxheve dhe kreditorët ndërkombëtarë duhet t’i japin vendit lehtësim të ri të borxhit, tha sekretari i përgjithshëm i Organizatës për Bashkëpunim dhe Zhvillim Ekonomik (OBZHE) Angel Gurría. Gurría, i cili u takua me Kryeministrin Aleksis Cipras në Athinë, i bëri thirrje Greqisë që t’i vazhdojë reformat pas përfundimit të programit të tretë të shpëtimit gjatë muajit gusht. Analiza e fundit e OBZHE-së për Greqinë parashikon se norma e rritjes ekonomike për këtë vit do të jetë 2% dhe ajo për vitin e ardhshëm do të jetë 2,3%.
SHBA: Maqedonia hyn në NATO menjëherë pas zgjidhjes së kontestit për emrin
Shtetet e Bashkuara të Amerikës vlerësojnë lartë politikën e Maqedonisë në lidhje me Rusinë, pasi Maqedonia dëboi një diplomat rus për të përkrahur thirrjet kundër agresionit rus. Këtë e tha ministri amerikan i mbrojtjes James Mattis gjatë takimit të tij zyrtar me Zv.Kryeminisren dhe Ministren e Mbrojtjes të Maqedonisë Radmilla Shekerinska. Mattis deklaroi se “Maqedonia do të bëhet pjesë e NATO-së menjëherë pas zgjidhjes së përshtatshme për të dyja palët të kontestit për emrin shtetëror”. Ky është takimi i parë të ministrit amerikan të mbrojtjes me homologun e tij maqedonas për 6 vitet e fundit.
Gjermania ushtron presion mbi Rumaninë për njohjen e Kosovës
Ish-presidenti rumun Trajan Basesku tha se Gjermania po ushtron trysni ndaj Rumanisë për të njohur pavarësinë e Kosovës – diçka, që sipas tij është e pamundshme. Në një deklaratë për televizionin rumun B1 Basesku tha se Gjermania po ushtron trysni ndaj pesë shteteve të Bashkimit Evropian, të cilat nuk kanë njohur pavarësinë e Kosovës që sa më shpejtë ta bëjnë këtë. Përveç Rumanisë këto janë Spanja, Greqia, Qiproja dhe Sllovenia, saktësoi Basesku. Rumania nuk mund ta njeh pavarësinë e Kosovës. Kjo do të ishte një goditje e tmerrshme, ngase situata në Krime dhe Transdnjestri është e ngjashme me atë në Kosovë.
Fillon fushata zgjedhore në Slloveni
Të premten, 4 maj, në Slloveni fillon fushata zgjedhore para zgjedhjeve parlamentare më 3 qershor. Deri në fillimin zyrtar të fushatës të gjitha partitë, të cilat do të konkurrohen për 90 vendet në parlament, duhet të dorëzojnë listat me kandidatët e tyre. Deri tani në komisionin zgjedhor janë parashtruar listat e 8 partive.
Kanali Edrene në lumin Marica do të aktivizojë lidhjet tregtare dhe ekonomike mes Turqisë, Bullgarisë dhe Greqisë
99% e punimeve të ndërtimit të Kanalit Edrene, të cilin e ndërton pala turke në lumin Marica, janë përfunduar. Lumi Marica rrjedh përgjatë kufirit të Turqisë, me Bullgarinë dhe Greqinë. Pritet se kanali i ri do t’i përforcojë lidhjet tregtare dhe ekonomike dhe udhëtimet turistike mes tri shteteve. Këtë e shpalli në Edrene shefi i Drejtorisë rajonale të ujërave dhe pyjeve Murat Adzhu. Ndërtimi i kanalit filloi gjatë nëntorit të vitit 2015. Ai do të jetë me gjatësi 7 800 metra, gjerësi – 50 metra dhe thellësi – 4,5 metra. Inaugurimi i tij zyrtar është parashikuar gjatë qershorit.
Përpiloi: Miglena Ivanova
Përgatiti në shqip: Jordanka Ivanova
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një ceremoni zyrtare që do të mbahet në tetor. Për çmimin prestigjioz janë nominuar 24 bashkatdhetare..
Pjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave mesatare - me 3,9 dhe me 2,5 gradë deri në vitin 2100, sipas parashikimeve të Panelit Ndërqeveritar..
Një numër rekord - 600 "luftëtarë" janë të dislokuar në bazën ajrore Uzunxhovo, dhe rasti nuk është një konflikt ushtarak, por festimi i Ditës së qytetit Haskovo. Atraksioni më i madh me rastin e 8 shtatorit është loja e organizuar ushtarake simuluese..
Muzeu i Aviacionit në Burgas ia kushton muajin shtator një prej ekspozitave të tij të veçanta - helikopterit Mi-2, fluturimi i parë i të cilit ishte..
Më shumë se 55 mijë fëmijë bullgarë do të kalojnë për herë të parë pragun e shkollës, me frikë dhe emocione. Më 16 shtator nxënësit e klasës së parë do..
Patriku bullgar dhe Mitropolit i Sofjes Daniill u dërgoi një mesazh për vitin e ri shkollor mësuesve, nxënësve dhe prindërve. Ai do të tingëllojë sot..