Qyteti Aprillci – lagja “Ostrec” çdo verë është mikpritës i “Tubimit ballkanik të këngës bullgare”. Festivali u krijua me idenë që të grumbullojë grupe muzikore amatorësh dhe solistë nga të dyja anët e Ballkanit (ky është emri tjetër i malit Stara Pllanina), si dhe miq nga afër dhe larg, të tërhequr nga këngët, por dhe nga shumëllojshmëria e madhe e bimëve, burimeve të kulluara, natyra piktoreske e Ballkanit të Mesëm. Festa zhvillohet në vigjilje të 24 qershorit, kur shënojmë Lindjen e Joan Pagëzorit, ose Ditën e Enjos, siç është e njohur festa në Bullgari /Enjo, ose Jane janë format e shkurtra të emrit Joan, Ivan në bullgarisht/.
Veliana Angellova – sekretare dhe bibliotekare e vatrës kulturore “Bëdeshte 1894” (“E ardhmja – 1894”), lagja Ostrec – qyteti Aprillci bëri ftesë për aktivitetin e ardhshëm folklorik:
“Tubimi ballkanik i këngës bullgare” organizohet për të tetëmbëdhjetin vit me radhë me ndihmën e bashkisë “Aprillci” dhe të vatrës kulturore në qytetin Ostrec. Me të hapim simbolikisht verën turistike, e cila është gjithnjë e më tërheqëse – me natyrën unikale, ajrin e kristaltë, shtigjet dhe itineraret e bukura. Për tubimin janë regjistruar mbi 35 kolektive. Ka shumë të rinj, të cilët do të marrin pjesë. Kjo flet se traditat bullgare po ruhen. Në vatrën tonë kulturore ka pesë kolektive amatorësh, të cilët këndojnë dhe vallëzojnë. Kemi një grup për folklor autentik, një grup vokal, një kuartet, një klub për valle popullore, një kolektiv teatral. Kemi grupe të organizuara, të cilët kanë mësime të qeramikës (qeramika e Trojanit është karakteristike për rajonin), të artit figurativ etj. Vatra jonë kulturore është një qendër e vërtetë e jetës shpirtërore. Përpiqemi të ruajmë kulturën bullgare dhe traditat tona. Ju ftoj me kënaqësi të madje me 23 qershor (ditën e shtunë) në orën 10 në sheshin para vatrës kulturore në lagjen “Ostrec” të qytetit Aprillci në edicionin e 18 të “Tubimit ballkanik të këngës bullgare”. Le të dëfrehemi, ta ndiejmë magjinë e folklorit, ta shohim natyrën tonë të bukur. Ia vlen të na vizitoni.”
Përgatiti në shqip: Vesella Mançeva
Dita e parë e janarit është e mbushur me shumë emocione, pritje dhe gëzime të shoqëruara me shpresën për një vit të bekuar në të cilin çdo pjesëtar i familjes do të jetë i shëndetshëm dhe do të arrijë ëndrrat e tij. Në kalendarin bullgar të festave, 1..
Në ditët e sotme, si në të kaluarën, që nga mëngjesi i hershëm i Natës së Buzmit, familjet po merren me përgatitjet për darkën më të rëndësishme të vitit. Darka në pritje të Krishtlindjeve është pa mish, por gjithashtu duhet të jetë e pasur dhe e..
Nata e Buzmit, e quajtur ndonjëherë edhe Vigjilja e Krishtlindjes, Krishtlindjet e Vogla, perceptohej si pjesë e një periudhe të errët, të tmerrshme, e ngarkuar me një potencial të fuqishëm për të ndikuar në të gjithë vitin e ardhshëm. Prandaj, nata..
Vranësira të dendura
Pjesërisht me re
Vranësira