Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Fillon xhaz festivali në qytetin Bansko

БНР Новини

Festivali ndërkombëtar në qytetin Bansko në rrëzat e malit Pirin (Bullgari Jugperëndimore) sivjet do të zhvillohet nga 4 deri më 11 gusht. Sipas traditës koncertet do të zhvillohen në skenën e qendrën e qytetit dhe në skena të shumta të vogla në lokalet e vendpushimit.

Edicionin e 21-të të festivalit do ta çelë “big band”-i i qytetit Bllagoevgrad me dirigjent Boris Janev dhe soliste Vesella Morova dhe Petja Bujuklieva. Pas tyre koncerte do të japin italiania Chiara Pancaldi dhe banda bullgare “Dirty Purchase” me soliste Amalija Nenova.

Më 5 gusht adhuruesit e xhazit do të dëgjojnë për herë të parë tek ne orkestra “Nišville“ me dirigjent Vladan Karaxhov nga Serbia. Muzikantët mbërrijnë nga qyteti Nish, kurse orkestra e mban emrin e festivalit të njohur, i cili çdo vit mbledh atje muzikantë të elitës botërore të xhazit.

„Nišville“

Të njëjtën mbrëmje në skenë do të prezantohen Ragtime Band me lider Rumen Aleksandrov dhe gjermanët mjaft të njohur për publikun e Banskos “Jazzbones”. Pjesëmarrjen gjermane sivjet do ta vazhdojnë Gerdband (më 7 gusht) dhe Alexandrina Simeon Quintet&Benny Brown.Këngëtarja Aleksandrina është një bullgare, e cila jeton dhe punon në Gjermani dhe në këtë festival është ftuar për herë të dytë (më 8 gusht).

Ragtime Band dhe Alexandrina Simeon Quintet&Benny Brown

Ndër pjesëmarrësit janë dhe ekzekutuesit atraktivë nga Jive Aces nga Britania e Madhe, të cilët do të jenë muzikantët e fundit që do të dalin në skenë në mbrëmjen e 8 gushtit.

Jive Aces

Një nga pjesëmarrësit më interesantë është saksofonisti Dmitry Baevski. I lindur në Shën Petersburg , ai mbaron atje shkollë muzikore. Në moshën 19 vjeç vazhdon arsimin e tij në Nju Jork dhe mes emrave më të mëdhenj të muzikës xhaz. Zhvillimi i tij i mëtejshëm vazhdon nën ndikimin e tyre. Koncerti i tij në Bansko është më 9 gusht.

Dmitry Baevski

Të njëjtën mbrëmje në skenë do të dalin NATO Jazz Combo nga Belgjika, Kamelia Todorova dhe Stanisllav Arabaxhiev nga Bullgaria, bashkë me të njohurit Gipsy Kings by Paco Baliardo.

NATO Jazz Combo dhe Gipsy Kings by Paco Baliardo

Më 10 gusht publiku do të takohet me këngëtaren Lisa Simone nga SHBA-ja – akoma një nga emrat e njohur në afishe, e cila është e bija e këngëtares dhe pianistes legjendare Nina Simone. Për të njëjtën mbrëmje është planifikuar dhe koncerti i formacionit për muzikë pop dhe xhaz Matt Bianco.

Lisa Simone

Programi tetë ditësh prezanton shumë artistë të njohur dhe të panjohur për publikun bullgar nga Austria, Rusia, Kina, Franca, Hungaria... Festivalin do ta mbyllin pop këngëtarja Rut Koleva dhe bendi i saj.

Përgatiti në shqip: Jordanka Ivanova

Foto: banskojazzfest.com



Последвайте ни и в Google News Showcase, за да научите най-важното от деня!

Më shumë nga rubrika

“Bërë për mua” – kënga më e re e Elia Todorova

“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo..

botuar më 24-07-05 6.15.PD

Mbrëmjet e verës në Sofje bëhen edhe më romantike - fillon A to JazZ

Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..

botuar më 24-07-04 8.40.PD

Një këngë e përjetshme bullgare në një version të ri

Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..

botuar më 24-07-02 8.10.PD