Dimitër Ilievi e konsideron veten si një njeri të lumtur, sepse ka arritur të realizojë ëndrrën fëmijërore – të bëhet pilot i automobilave. I besnik parimit: “Gjithnjë është më mirë të ndalosh kur je në krye, jo kur fillon të humbësh”, në vitin 2013 kampioni i tetëfishtë i Bullgarisë i garave automobilistike i dha fund karrierës 20 vjeçare sportive dhe mori përsipër detyrën jo të lehtë të pedagogut. Mirëpo, jo vetëm t’u transmetojë dituritë dhe aftësitë e veta studentëve të Akademisë Kombëtare Sportive, por të edukojë te të rinjtë cilësi, të cilat i konsideron të rëndësishme jo vetëm në rrugë, por edhe në jetë.
“Unë vetë përpiqem të jem një shofer shembullor, përderisa është e mundshme – shpjegon Dimitër Ilievi. – Sporti automobilistik si të gjitha të tjerët kërkon sakrificat e tij – shumë punë, vetëmohim, privime. Mirëpo, gjithnjë kam bërë atë që më ka sjellë më shumë kënaqësi. Mendoj, se kjo është me rëndësi të madhe. Edhe këshillat e mia ndaj të rinjve janë në këtë drejtim – të kërkojnë një punë të tillë e cila u pëlqen atyre.”
Dimitër Ilievi është i bindur, se rreziqet më të mëdha në rrugë, nuk janë vetëm shtresat dhe pjesët e pasiguruara, dhe të metat e Ligjit të Trafikut Rrugor. Rol kryesor në aksidentet rrugore luan faktori njerëzor.
“Për këtë flitet pak. Por pse? Ne, njerëzit bëjmë gabime – thekson Dimitër Ilievi. – Mjedisi, në të cilin i ngasim makinat bëhet gjithnjë më armiqësor, kriteret e kurseve për trajnimin e shoferëve bëhen gjithnjë e më të ulëta. Nxjerrim mësime nga fatkeqësitë në rrugë pas ndonjë aksidenti. Prandaj do të jetë më mirë të punohet në mënyrë preventive, dhe njerëzit të dinë, se kjo është një punë e përgjegjshme.”
Dhe jo vetëm kjo. Dimitër Ilievi thekson një tendencë shqetësuese, e cila u kthye në epidemi jo vetëm në Bullgari, por edhe në mbarë botën dhe lufta me të do të fillojë mezi tani:
“Aktualisht problem numër 1 në botë me sigurinë rrugore janë celularët – është kategorik bashkëbiseduesi. – Secili e drejton veturën me mendimin, se mund të ngasë makinën dhe të flasë, të lexojë ose të shkruajë. Mirëpo, herët ose vonë situata ndryshohet dhe përderisa shikimi është i ngulur në celular, reagimet mungojnë dhe njeriu padashje mund të bëjë aksident. Vetë momenti, në të cilin shpërqendrohemi është tepër shqetësues, sepse ngandonjëherë njerëzit e pafajshëm paguajnë për gabimet e keqbërësve.”
Gjëja tjetër e rëndësishme, e cila u mungon shoferëve bullgarë është kultura e ngasjes së makinave.
“Për të folur për kulturë të ngasjes së makinës, në radhë të parë duhet të flasim për kulturën në përgjithësi, sepse ajo dhe mentaliteti kanë lidhje të drejtpërdrejtë me mënyrën e ngasjes së automobilit – thekson Dimitër Ilievi. – Mendoj, se vjen një brez shoferësh, i cili do të jetë me kulturë më të ulët, sepse ata fëmijë rritën në një kohë mosndëshkimi, dhe ata nuk e kanë zakonin të respektojnë rregullat dhe ligjet. Pas tyre do të vijë një brez tjetër me kulturë dhe me edukim më të lartë, sepse ata fëmijë rriten në një mjedis evropian me më shumë rregulla dhe mendoj që atëherë gjërat do të rregullohen.”
Atë, që mund të përmirësojë situatën, është zhvillimi i virtyteve dhe aftësive te shoferët. Pikërisht këtë mësojnë shoferët e ardhshëm në Akademinë e Ngasjes së Sigurt (Safety Driving Academy), krijuar nga Dimitër Ilievi në vitin 2008. Motoja e kësaj akademie është “Siguria mund të përfitohet!”.
“Ideja për krijimin e kësaj akademie është të përgatitim njerëzit të cilët tashmë kanë patenta, kështu që ata të përvetësojnë aftësi më të mira prej shoferi, të arrijnë të përballojnë situata kritike, të zhvillojnë disa instinkte, të mësojnë se si të reagojnë në situata kritike, që hasen shpesh. Kjo për shkak, se në 99 për qind prej rasteve të incidenteve rrugore është faktori njerëzor.”
Dhe në fund, por me rëndësi është të dëgjojmë se çfarë duhet të dijë secili që qëndron në timon:
“Se ai mban përgjegjësi, se terroristët shfrytëzojnë veturat si armë. Dhe se në se shfrytëzon celularin përderisa drejton veturën, mund të bëhet terrorist pa dashje dhe pas kësaj do të jetë i detyruar të jetojë me këtë. Të përsoset sepse patenta nuk do të thotë, se mund të ngasë veturën. Të mos mendojë se është shofer i mirë, sepse vetëbesimi i madh nuk është një këshilltar i mirë. Nuk duhet të harrojmë, se nuk jemi të përsosur. Secili bën gabime, duhet të përpiqemi që gabimet tona të jenë minimale.”
Përgatiti në shqip: Svetllana Dimitrova
Foto: arkiv personal dhe BGNES
Diversiteti kulturor dhe gjuhësor – pikërisht kjo e dallon Bashkimin Evropian dhe gjuhët e folura në komunitet janë një pjesë e rëndësishme e trashëgimisë kulturore të Evropës. Ka 24 gjuhë zyrtare në BE dhe sa herë që në të anëtarësohen shtete..
Emrat e këtij Komisioni Evropian nuk janë më spekulime apo hamendje, por fakt. Struktura gjithashtu dhe ajo që është e qartë është se janë 6 nënkryetarë ekzekutivë por struktura e nënkryetarëve të zakonshëm është hequr. Siç pritej, secila prej..
Pas ditës së parë të shkollës për nxënësit në Bullgari - 15 shtator - vjen koha për të nisur vitin e ri shkollor edhe për studentët, pasi shumica e institucioneve të arsimit të lartë në vendin tonë hapin dyert më 1 tetor. Në këtë interval prej rreth dy..
Bullgaria po shkon në zgjedhjet e gjashta të parakohshme parlamentare në më pak se 4 vjet dhe kjo pengon debatin konstruktiv dhe ratifikimin e një..
27-vjeçari Cvetan Ivanov-Çoni - fitues i European Street Food Awards, konkursi i ushqimit në rrugë Bulgaria mori titullin "Sandviçi më i mirë" në finalen e..
Sevlievo është "mbretëria e kungujve". Fruta e shijshme rritet me bollëk në këtë pjesë të Bullgarisë Veriore. Jo rastësisht vendasit i kanë kushtuar..