Një sajt i ri për udhëtime i organizatës së OKB-së për shkencë, arsim dhe kulturë – UNESKO-ja, popullarizon destinacione të ndryshme, ndër të cilat është edhe qyteti i vjetër bregdetar bullgar Nesebër. Sajti “Udhëtime deri në objekte të Trashëgimisë Botërore”, i krijuar me bashkëpunimin e “National Geographic”, përfshin 34 destinacione, të zgjedhura mes objekteve të trashëgimisë botërore prej 19 shteteve-anëtare të organizatës.

Platforma mund të vizitohet nga data 15 shtator në kuadrin e Ditëve Evropiane të Trashëgimisë. Iniciativa inkurajon njerëzit “për të udhëtuar në mënyrë të ndryshme” dhe “më të thelluar”, jashtë destinimeve kryesore turistike. Platforma i inkurajon edhe më shumë turistët për të udhëtuar në katër itinerare të trashëgimisë kulturore, të përpunuara në kuadrin e projektit. Sajti jep informacion në anglisht, kinezisht dhe frëngjisht.