Të enjten Kuvendi Popullor pranoi në lexim të parë dy projektligje për çështjet fetare. Ideja e deputetëve është që të mbrohen besimet tradicionale dhe të eliminohen mundësitë për radikalizim në bazë të religjionit. Meqenëse Kisha Ortodokse bullgare dhe Kryesia e Myslimanëve kanë disa vërejtje të lidhura me amendamentet në fjalë, parlamenti përcaktoi një afat 21-ditor për hartimin e variantit përfundimtar të ligjit.
Në këtë kontekst sot u zhvillua takim mes Kryemyftiut Mustafa Haxhi dhe Kryeministrit Bojko Borisov. Organizata e myslimanëve në Bullgari kërkon që në Ligjin për fetë të përcaktohet kufiri i poshtëm i financimit, me të cilin do të sigurohen pagat e klerikëve. Përveç kësaj me rëndësi të madhe është akreditimi zyrtar i Institutit Mysliman në Bullgari, me qëllim që në të të marrin përgatitje nëpunësit fetarë në xhamitë në vend, në mënyrë që të evitohen ndikimet e huaja myslimane. Pretendimet e veta i ka dhe Kisha Ortodokse Bullgare, e cila është shqetësuar për autonominë e vet, insiston që rregullimin e jetës së saj të brendshme të bëhet ekskluzivisht nga statuti dhe kanunet e saj. Kisha nuk pranon dhe nocionin “radikalizëm fetar”, sepse mendon se në ligj nuk ka një shpjegim konkret dhe saktë për të.
Nga ana tjetër përfaqësuesit e bashkësisë ortodokse dhe ata të myslimanëve janë të kënaqur me idenë për rritjen e subvencioneve shtetërore, të cilat do të përdoren për rrogat e nëpunësve të tyre, për veprimtari arsimore dhe për shpenzime të ndryshme rrjedhëse. Kontrollin e këtyre shpenzimeve do ta kryejë “Drejtoria e Çështjeve Fetare” pranë Këshillit të Ministrave dhe Zyra e Auditit. Sipas propozimeve të deputetëve të GERB-it, Partisë Socialiste Bullgare dhe Lëvizjes për të Drejtët dhe Liritë të drejtën të hapë shkolla dhe universitete fetare do ta kenë vetëm komuniteti i myslimanëve dhe ai i të krishterëve ortodoksë.
Koalicioni nacionalist i Patriotëve të Bashkuar kërkon që shtetasit bullgarë të mund të kryejnë shërbesë fetare, vetëm në se arsimin e tyre religjioze e kanë mbaruar në Bullgari, ose në se diploma e tyre është njohur nga institucionet kompetente në shtet. Të dy projektligjet parashikojnë pjesëmarrjen e të huajve në shërbesat fetare vetëm në se ajo është bashkërenditur me Drejtorinë e Çështjeve Fetare. Për hartimin e tekstit përfundimtar të Ligjit për fetë në Bullgari mbeten vetëm rreth 20 ditë. Duke pasur parasysh atmosferën e mirë të diskutimeve paraprake ndërmjet politikanëve dhe klerit të lartë, mund të presim se dyshimet dhe rezervat që po ekzistojnë në lidhje me të, do të kapërcehen brenda këtij afati.
Përpiloi: Stoimen Pavllov
Përgatiti në shqip: Jordanka Ivanova
Më 9 qershor në Bullgari do të mbahen njëkohësisht zgjedhjet për Parlamentin Evropian dhe Kuvendin Popullor. Presidenti Rumen Radev vendimin e bëri të ditur gjatë konsultimeve me partitë politike, pasi Dimitër Gllavçev i prezantoir ministrat..
Kandidati për kryeministër të përkohshëm Dimitër Gllavçev ia prezantoi përbërjen e qeverisë së përkohshme kreut të shtetit Rumen Radev dhe përfaqësuesve të forcave politike në Kuvendin Popullor, pa BSP-në. Kryeministri - Dimitër Glavçev..
Bullgaria nisi rrugën drejt zgjedhjeve të gjashta të parakohshme parlamentare brenda tre viteve. Kjo u bë e qartë pasi të tre mandatet për formimin e qeverisë iu kthyen presidentit të paplotësuara. Deri para pak kohësh, në rreshtat e..
25,9% e bullgarëve që kanë deklaruar se do të votonin në zgjedhjet parlamentare të 9 qershorit kanë thënë se do të votonin për GERB-SDS, 16% për..