Ish-kryeministri maqedonas Nikola Gruevski mbase ka përdorur pasaportën bullgare që të ikë nga vendi. Kjo është e shkruar në botimin hungarez Nepszava në lidhje me arratisjen e Gruevskit në Budapest dhe dhënien e kërkesës nga ana e tij për marrjen e një strehimi politik. Gruevski që nga vera e vitit 2017 është pa pasaportë dhe ka ndalim për të ikur nga Republika e Maqedonisë. Gruevski është i dënuar me 2 vjet burg mbi rastin “Tank” për blerjen e makinës së punës “Mercedes-benz” për 650 000 euro. Ish- kryeministri maqedonas Nikola Gruevski nuk është shtetas bullgar dhe nuk ka pasaportë bullgare. Këtë e njoftuan nga Ministria e Drejtësisë në lidhje me një informatë në media se Gruevski, i cili në Republikën e Maqedonisë ka dënim efektiv për keqpërdorim me pushtetin, dënim ky që ka hyrë në fuqi, ka hyrë në Hungari me kartë bullgare të identitetit.

Ish-Kryeministri i Maqedonisë Nikola Gruevski as ka kërkuar, as ka marrë pasaportë bullgare, tha kryeministri Borisov para gazetarëve, pasi u takua në Këshillin e Ministrave me Kryeministrin e Republikës së Maqedonisë Zoran Zaev.