Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Trashëgimia historiko-kulturore – një stimul për zhvillimin e regjioneve

Bullgaria anoncoi idenë për krijimin e destinacionit turistik “Qytetërimet e lashta”

БНР Новини
Foto: tourism.government.bg

Dy vjet pas edicionit të parë Bullgaria përsëri ishte mikpritëse e “Kongresit Ndërkombëtar të Qytetërimeve Botërore dhe Itinerareve Turistike”. Forumi, i organizuar nga Organizata Botërore e Turizmit, takoi në kryeqytetin e Sofjes mbi 500 pjesëmarrës nga të gjitha kontinentet. Popullarizimi dhe ruajtja e trashëgimisë historiko-kulturore u bë një prej temave kryesore të debatit dhe i lejoi përfaqësuesit e shteteve të ndryshme për ta ndarë përvojën e tyre për përmirësimin dhe shndërrimin e vendeve të tyre në destinacione tërheqëse për investime dhe turizëm.

Ministrja e Turizmit Nikolina Angellkova deklaroi se shndërrimi i Bullgarisë në destinim për katër stina është një prioritet me rëndësi, mbi të cilin punohet shumë. Në këtë lidhje ajo i dërgoi një propozim Zëvendës-sekretarit të përgjithshëm të Organizatës Botërore të Turizmit Hajme Sanklemente:

Kemi idenë të krijojmë një rrugë botërore të qytetërimeve të lashta. Shpresojmë se Organizata Botërore e Turizmit do ta përkrahë, që të mund të ftojmë shtetet e të gjitha kontinenteve për t’u përfshirë. Qëllimi është që të krijohen itinerare të lidhura me trashëgiminë kulturore. Me siguri duke e përfshirë edhe UNESKO-n do të krijohet mundësi për përfshirjen e objekteve tona të mbrojtura nga organizata. Pritet një debat mbi këtë temë me specialistë nga Ministria e Kulturës, si dhe me profesorë dhe shkencëtarë, që punojnë në këtë sferë.

Sipas Angellkovës trashëgimia historiko-kulturore e vendit mund të bëhet një stimul për zhvillimin e regjioneve, mund të hapë vende të reja pune dhe të kontribuojë për kthimin e shtetasve bullgarë, që janë larguar nga vendi. Fjalët e saj u përkrahën edhe nga Kryetari i Komisionit të Kulturës dhe Mediave në Kuvendin Popullor Vezhdi Rashidov, i cili theksoi rëndësinë e zbulimit dhe konservimit të trashëgimisë historike, sepse pikërisht ajo është kartëvizita e çdo një turizmi në botë.

Monumentet dhe objektet e regjistruara te ne janë mbi 40 000. Ato e bëjnë Bullgarinë një prej destinacioneve më tërheqëse për të gjithë ata, që shfaqin interes për turizmin historiko-kulturor. Ministria e Turizmit krijoi dhe përhapi disa platforma të dobishme në internet për popullarizimin e tyre, si harta e 100 objekteve turistike evropiane, e bazuar tek objektet e mbrojtura nga UNESKO-ja, si dhe aplikacioni mobil I love Bulgaria, që prezanton në bullgarisht dhe anglisht disa prej kurioziteteve kryesore bullgare, të ndara për nga regjionet. Mirëpo, përveç popullarizimit objektet kanë nevojë edhe për mirëmbajtje, e cila shpesh herë nuk është mjaftë efektive për shkak të problemeve me pronësinë. Kjo shihet më mirë sa u përket monumenteve arkitekturore, të shpërndara nëpër tërë vendin. Mirëpo, një pjesë prej tyre tashmë janë të humbura për gjithmonë, disa të tjera ende e ruajnë kujtimin për pronarët e tyre të njohur. Para se të mendojmë se kjo i detyrohet mungesës së politikës adekuate për ruajtjen e trashëgimisë arkitekturore, është me rëndësi të themi se Ministria e Kulturës ka një program për financimin e konservimit dhe restaurimit të monumenteve të palëvizshme kulturore në Bullgari. Ai e ka emrin “Ruajtja e trashëgimisë së palëvizshme kulturore”, por ende nuk ka popullaritet të mjaftueshëm ndër pronarët e pasurive të tilla.

Në kuadrin e Kongresit Ndërkombëtar të Qytetërimeve Botërore dhe të Itinerareve Historike në Sofje u zhvillua dhe një ekspozitë turistike, ku 15 bashki bullgare paraqitën zejet tradicionale të regjioneve të tyre.

Të huajit admirohen nga punimet tona. Ata çuditen se si i krijojmë pa kompjuterë dhe teknologji. Për ne puna është krijimtari. Ne bëjmë gjithçka me duart tona” – tha drugdhendësi Angell Mitrofanov dhe shtoi se Bullgaria duhet të zhvillojë politikë për ruajtjen e zejeve artistike dhe trashëgimin e tyre nga brezat e ardhshëm. Meqenëse puna e mjeshtërve nënvlerësohet gjithnjë e më shumë për shkak të ekspansionit të mallrave të lira kineze, ndër të cilat veprat cilësore e mjeshtërve nuk mund të spikatin.

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Kalaja

Vizitori i parë i vitit në Kalanë e Carevecit u prit me dhurata

Për herë të 16-të, më 1 janar, kalaja "Carevec" në Veliko Tërnovo (Bullgaria Veriore)  priti turistin e parë. Ky është i vetmi rezervat arkitekturor-muzeor në vend që punon gjatë gjithë vitit dhe është muzeu më i vizituar në të hapur në vend.  Turisti..

botuar më 25-01-01 5.53.MD

Ku bullgarët do ta presin Vitin e Ri 2025?

Rreth 700 mijë bullgarë zgjedhën të udhëtojnë për të pritur Vitin e Ri. Rreth 120-130 mijë prej tyre preferuan të shkojnë jashtë vendit dhe po aq të huaj zgjedhën Bullgarinë për pushimet e tyre. Vendet më të preferuara për pritjen e Vitit të Ri 2025..

botuar më 24-12-31 3.17.MD

Verë, spa, aventurë dhe relaksim - kombinimi perfekt për pushim

Kultura e verërave në Bullgari po përjeton një lulëzim. Gjithnjë e më shumë vende dhe ngjarje tërheqin adhuruesit e verës dhe rrisin interesin për turizmin e verës. Në vitin 2024 kërkesa për degustime të verës u rrit ndjeshëm. Dhe rezervimet për..

botuar më 24-12-31 7.05.PD