Orkestra simfonike e Radios Kombëtare Bullgare fillon vitin 2019 me një koncert më 18 janar në sallën “Bullgaria”. Programi i tij është zgjedhur nga dirigjent mysafiri Pllamen Xhurov dhe është i larmishëm, përfshin vepra me vlerë të lartë, të këndshme për të dëgjuar, me histori kureshtare që mbajnë mesazh në vetvete . Solistja është violinistja e re Lija Petrova, e cila do të ekzekutojë vepra të përjetshme të Mozartit. Do të tingëllojë një vepër i shquar bullgar dhe një nga epoka e Romantizmit. Më shumë hollësi na tregoi profesori Xhurov:
“Për mua gjithmonë është kënaqësi kur punoj me Orkestrën Simfonike të Radios Kombëtare Bullgare – thotë ai. Nganjëherë më vjen keq duke menduar se publiku shpesh nuk i di emrat e muzikantëve të saj të shkëlqyeshëm. Në qarqet kulturore ata janë mjaft të njohur si solistë, apo si pedagogë muzikorë. Por jo të gjithë njerëzit dinë në të vërtetë sa të mirë janë këta artistë. Zgjodha një program pak të ndërlikuar sa i përket stilit. “Tokata” e Dimitër Nenovit është vepra e parë që do të tingëllojë. Është shumë e njohur dhe është krijuar për piano. Ajo që është interesante është se për herë të parë disponojmë me dy orkestrime të ndryshme të veprës bullgare. Njëri është bërë nga klasiku i muzikës bullgare Llazar Nikollov, tjetri (të cilin do të prezantojmë) është i nxënësit më të ri të Nenovit Ivan Stajkov. Është shumë kureshtar fakti se në vazhdim të disa viteve kompozitori e ka luajtur këtë vepër përmendësh para se ta shkruajë me nota. Në pjesën duket “konstruksioni i fortë” i arkitektit, i cili është kompozitor i shkëlqyer dhe pianist. Për Dimitër Nenovin dihet se në fillim të viteve të 20-të të shekullit të kaluar mbaron arkitekturë në Dresden, pastaj në vitet e 30-të bën specializim në Itali dhe e praktikon këtë profesion. Vepra e dytë është Koncerti Nr. 5 i Mozartit. Solistja është Lija Petrova – një vajzë simpatike me përvojë të pasur në skenat e mëdha botërore. Secili që e ka pasur kënaqësinë të komunikojë me të është i lumtur. Do të prezantojmë Simfoninë e njohur në re minor të Çezar Frankut (Cesar Franck) – kjo është një nga majat e Romantizmit francez. Në këtë vepër ka shumë fantazi dhe ndjenë.”
„Tibor Varga“ (Zvicra), „Lui Shpor“ (Gjermani), „Vaclav Humel“ (Kroaci) – këto janë vetëm pak nga konkurset ndërkombëtare, në të cilat Lija Petrova është dekoruar. Të mos harojmë dhe çmimin e saj të fundit – vendi i parë në “Karl Nilsen” në Danimarkë (ky është një nga konkurset më të mëdha për violinistë në botë). Hapat e saj në fushën e muzikës i ka bërë në moshën 4-vjeçare, kurse në 5 ka qenë koncerti i saj i parë në skenën në sallës “Bullgaria” në shoqërim të ansamblit të dhomës “Solistët e Sofjes” dhe me dirigjent Pllamen Xhurov.
“Gjatë viteve kemi qenë së bashku në koncerte të panumërta” – janë fjalët e Lija Petrovës. “Nga profesori Xhurov dhe “Solistët e Sofjes” kam mësuar shumë, kemi pasur momente të paharrueshme. Për mua ata janë si familja ime muzikore. Vitin e kaluar ishim në Japoni. Muzika është një lloj komunikimi dhe kur njerëzit janë bashkërisht aq shpesh në skenë, lidhjet mes tyre bëhen tepër të forta. Mësuesit janë personë fare të rëndësishëm dhe mund të them se e kam kënaqësinë me aq shumë mësues të mirë. Evelina Arabaxhieva, me të cilën kam mësuar në Shkollën Muzikore Kombëtare “Ljubomir Pipkov” është një figurë e rëndësishme në jetën time. Po mbaroj arsimin e lartë në Hochschule für Musik “Hans Eisler” nëBerlin me profesoreshën Antija Vajthas (Antje Weithaas). Përvoja dhe ndarja e mendimeve, e energjisë janë po aq të rëndësishme, siç është tërë procesi i mësimit. Cila është fitorja më e vështirë? Mendoj se është lufta me vetveten – se si njeriu të mbetet besnik ndaj vetes, pavarësisht nga parapëlqimet e të tjerëve dhe pavarësisht nga moda. Po, ndoshta kjo është fitorja më e vështirë.”
Përgatiti në shqip: Jordanka Ivanova
Foto: arkiv dhe liyapetrova.com
Interpretuesit e njohur bullgar Vasill Najdenov dhe dyshja “Vëllezërit Argirovi” i njohim individualisht prej disa dekadash, por që tani kanë regjistruar për herë të parë një këngë të përbashkët me titull "Atje, në kthesë". Teksti, i cili tregon për..
Viti 2024 ishte më shumë se një vit i suksesshëm për B.T.R. – një nga grupet më të rëndësishme të rock-ut bullgar festoi 30 vjetorin e tij me një turne kombëtar për përvjetorin dhe një turne evropian. Viti i ri 2025 do të jetë i mbushur me jo më pak..
Ljubo Kirov e nis veprimtarinë e tij krijuese në vitin 2025 me një këngë të re - "Përsëri me ty", kushtuar dashurisë dhe rrugës së përbashkët të dy shpirtrave të ngushtë. "Përsëri me ty" është një tjetër single nga albumi i artistit "Zemra e Re", i cili që..
Më 16 shkurt, një nga kantautorët më të dashur bashkëkohor – Stefan Diomov – mbush 80 vjeç. Shpirti i tij djaloshar u ka dhënë jetë dhjetëra hiteve të..
Grupi “Ostava” e hap vitin me një këngë të re dhe një turne mini klub. “Fajtori” – siç titullohet kënga e re, hap rrugën drejt një albumi të ri. Albumi..