Në historinë 90 vjeçare të filarmonisë së Sofjes për herë të parë muzikantët u takuan me publikun kinez. Muzikantët bullgarë e përcollën vitin 2018 në skenën e përmbushur plotë e përplot në Çuncin – një nga katër qytetet më të mëdha në Kinë.

Vlladimir Xhambazov i cili vite të tëra me radhë i bie kornos në orkestër, dhe i cili është po kështu dhe kompozitor dhe në këtë rast - organizator i turneut, tregon përshtypjet e tij:

"Është me rëndësi se, kjo ishte një turne jashtëzakonisht e suksesshme në Kinë. Unë kam nderin të jem  tanimë 38 vjet në këtë orkestër dhe me të kam udhëtuar kudo, përfshi dhe në shtetet e Lindjes së largët. Por, për herë të parë ekzekutojmë përpara publikut kinez. Dhe unë, si dhe kolegët e mi jemi jashtëzakonisht të lumtur, se pas kësaj vizite të parë, të paktën 10 000 kinezë tashmë dinë se ku ndodhet Bullgaria dhe se cili është arti muzikor bullgar. Për 20 ditë ishim në 12 qytete – Shangai, Daliyan, Çengdu, Ningbo, Pekin e të tjerë. Ishim dhe në qytetin Çonkin, i cili doli se është me 30 milionë banorë. Ky është një qytet jo aq i madh për përpjesëtimet e Kinës, në të cilin jetojnë 14 etnose. Përpjesëtimet janë të mëdha dhe nuk ka sesi njeriu ti përfytyrojë, derisa nuk i shikon vetë. Mundin të realizojnë projekte të mëdha, dhe posaçërisht për to ndërtojnë dhe sallat përkatëse. Orkestra jonë ekzekutoi në salla krejtësisht të reja për koncerte, të cilat në bazë të arkitekturës dhe akustikës, nuk mendoj se nuk mund të krahasohen me të tjera nëpër botë. E dinë se, gjatë viteve të fundit Kina është jashtëzakonisht e hapur për kulturën. Në koncertet tona kishte shumë fëmijë, të cilët kishin ardhur me prindërit e vet.

Organizimi i këtij turneu qe mjaft i ndërlikuar, për më tepër për shkak të fluturimeve të shumta dhe të gjata. Për kohën në të cilën qemë aty, nevojitej të udhëtojmë pothuajse për ditë me avion në distanca të mëdha. Në turne u nis rreth gjysma e grupit të Filarmonisë – 52 veta. Solistët, të cilët i kishim ftuar për turneun, ishin sopranoja Maria Cvetkova-Maxharova dhe tenori Dejan Maksimoviç /nga Serbia/. Programi, të cilin e prezantuam – vepra të Strausit /atë e bir/, arie prej operave dhe operetave, Valle Hungareze të Bramsit... repertor, i njohur shumë mirë për ne, por jo aq shumë për publikun kinez. Me këtë muzikë festuam festat e Krishtlindjeve dhe të Vitit të Ri aty. Këto festa, pavarësisht se nuk janë nga karakteristike për kulturën vendase, kinezët mundohen t'i pranojnë dhe të përshtaten me ta, si një pjesë nga hapja e vendit ndaj botës. Vërejtjet tona janë se publiku  është jashtëzakonisht kureshtar dhe shumë muzikor. Dëgjonin me një interes të madh."

Dy dirigjentë e ndanin pultin e koncerteve në Kinë–Konstantin Ilievski dhe Antëni Armore (Italia / Shtetet e Bashkuara). Media të shumta i pasqyruan shfaqjet e filarmonisë së Sofjes. Akoma derisa grupi ka qenë aty, ka marrë propozime të reja për vizita të tjera të ardhshme në Kinë.

Përgatiti në shqip: Nataniela Vasileva

Foto: arkiv personal