Të ardhurat nga turizmi ndërkombëtar në Bullgari për periudhën janar-tetor 2018 tejkalojnë 3,4 miliardë euro, tregojnë të dhënat e Bankës Popullore Bullgare nga fundi i vitit të kaluar. Lidhja e fort midis kulturës dhe turizmit mund të sigurojë si investime në të dy sektorët, kështu dhe një interes më të madh ndaj vendit tonë prej turistëve nga e gjithë bota. Duke ruajtur dhe popullarizuar trashëgiminë e vet të pasur dhe të paçmuar kulturore dhe historike, Bullgaria do të kthehet në një destinacion turistik edhe më të njohur.

Duke e vlerësuar rolin kyç të trashëgimisë për imazhin ndërkombëtar të Bullgarisë, Ministria e Kulturës paraqiti programin e vet “Sipërmarrësi Kulturore, trashëgimi dhe bashkëpunim” 2014-2021, qëllimi i të cilit krahas me ruajtjen e trashëgimisë kulturore, është dhe krijimi i një përmbajtjeje të re kulturore. Programi është hartuar pas takimeve me ekspertë mbi ruajtjen e trashëgimisë kulturore dhe artet moderne. Prandaj një nga prioritetet është lidhur pikërisht me trashëgiminë e luajtshme kulturore, e cila e kthen programin “Sipërmarrësi kulturore, trashëgimi dhe bashkëpunim” në një nga të paktat, të cilat sigurojnë mundësi për prezantimin e saj në mënyrë të re, në ambiente të reja dhe me nëpunës të arsimuar, të cilat të prezantojnë artefaktet e ekspozuara para turistëve vendas dhe të huaj.

"Partneriteti i mirë është shumë i rëndësishëm për programin" – tregoi në një intervistë për Radio Bullgarinë Zëvendësministrja e Kulturës Amelia Gesheva dhe shtoi:

“Shpresojmë se rreth 50% nga projektet , të cilat do të parashtrohen do të jenë me pjesëmarrjen e vendeve-donatore. Unë gëzohem se po zhvillohet dhe një tendencë, e cila ka filluar nga periudha e mëparshme programore, e lidhur me digjitalizimin e trashëgimisë kulturore. Një nga masat në program është drejtuar pikërisht tek digjitalizimi i trashëgimisë. Një qëllim shumë i rëndësishëm, të cilin duam ta arrijmë është zgjerimi i publikut dhe tërheqja e të rinjve në muzetë dhe galeritë – institucionet kulturore, të cilat ruajnë trashëgiminë kulturore”.

Financimi i programit “Sipërmarrësi kulturore, trashëgimi dhe bashkëpunim” është në përmasë të 10 milionë eurove, të siguruara nga Mekanizmi Financiar i Hapësirës Ekonomike Evropiane. Mjetet në të  janë siguruar  nga Mbretëria e Norvegjisë, Republika e Islandës dhe Principata e Lihtenshtajnit, kurse qëllimi është kufizimi i dallimeve ekonomike dhe sociale në Evropë dhe forcimi i marrëdhënieve bilaterale në fushën e kulturës, shoqërisë civile, drejtimit të mirë, të drejtave themelore dhe lirive e tjera.

Sipas Amelia Geshevës gjatë muajit mars do të shqyrtohen projekte, të lidhura me artet moderne dhe popullarizimin e kulturave tradicionale dhe zanateve. Ajo shprehu kënaqësi se dy organizata tanimë kanë dhënë propozimet e veta në këtë drejtim. Sipas saj projektet, të cilat anëtarësojnë duhet të popullarizojnë objektet kulturore ndër një publik të gjerë – jo vetëm në kryeqytet, por dhe në regjionet e tjera. Prandaj programi lejon financimin e festivaleve të ndryshme dhe ekspozita udhëtuese. Ndër projektet e realizuara me mjete nga vendet-donatore janë ekspozita “Legjenda në flori”. Thesaret trake nga Bullgaria” në qytetin norvegjez Bergen – një projekt për socializmin e trashëgimisë kulturore, i realizuar nga bashkia e qytetit Kazanllëk, si dhe një projekt i bashkisë së Plovdivit për digjitalizimin e trashëgimisë kulturore, në kuadrin e të cilit në të gjitha muzetë në qytet  janë krijuar qendra digjitalizimi.

Përgatiti në shqip: Nataniela Vasileva

Foto: eeagrants.bg dhe BGNES