Inxhinieri bullgar i aviacionit profesor Widen Tabakoff ishte në ekipin që dërgoi njeriun e parë në Hënë. Ai shpiki një aliazh, i cili u reziston temperaturave të larta dhe mbron motorin e raketës. Këtë e tha ish piloti i gjuajtësve në Forcat Ushtarako Ajrore të ShBA-së Georgi Drenski në hapjen e ekspozitës dokumentare “Kozmosi i pafundmë i mendimit njerëzor” kushtuar jetës dhe veprës së këtij shkencëtari bullgar.
“Profesori Tabakoff është një shkencëtar me famë botërore në studimet kozmike, për të cilin tek ne dihet pak. Në vitin 2014, pak para vdekjes së tij, ai u shpall anëtar nderi i NASA-s. Në Universitetin në Sinsinati prof. Tabakoff përgatiti më se 300 specialistë të mekanikës inxhinierike. Ishte pjesë e shumë projekteve sekrete”, tha Rumjana Atanasova, organizatore e ekspozitës së bashku me Arkivin Shtetëror.
“Profesori Tabakoff është një shembull se si një njeri nga fshati i vogël Stakevci, rajoni i qytetit Bellogradçik, mund të arrijë lartësitë e kozmonautikës. Para se të nisë drejt Hënës, astronauti Nеil Armstrong, i cili ishte mik i ngushtë i shkencëtarit bullgar, e pyeti a do të kthehet i gjallë. Profesori Tabakoff e siguroi se “Apolo” do të plotësojë misionin me sukses” – tregoi Georgi Drenski – doktorant i fundit i profesorit Tabakoff në Universitetin në Sinsinati.
Ekspozita e përbashkët “Dialogu” e Kënço Kënev dhe Valeri Llazarov me koreanen Çoi Xhi Yn prezantohet në Galerinë e Arteve në Ruse. "Bota ndjen një nevojë të madhe për dialog dhe tolerancë. Në këtë mjedis të tensionuar ndërkombëtar, njerëzit..
Çepellare u bë një strehë krijuese për 10 gra shkrimtare nga Bullgaria, Spanja, Polonia, Ukraina, Belgjika, Britania e Madhe dhe Serbia, raportoi BTA. Qyteti i Rodopeve pret për të dytin vit rezidencën e shkrimtareve “Gratë në mal”, e..
Organizatorët e festivalit RADAR , i cili zhvillohet nga data 2 deri më 4 gusht në Varna, premtojnë një program plot ngjarje që tejkalojnë standardet tona të njohura. Edicioni i njëmbëdhjetë radhazi premton të jetë një ndërthurje e arteve..