Filmi “Green book” /“Libri i gjelbër”/ fitoi çmimin më të rëndësishëm në edicionin e 91 të çmimeve “Oskar” të Akademisë Amerikane të Filmave – për film më të mirë artistik. Filmi, ku merr pjesë edhe aktori bullgar Dimitër Marinov, u dekorua edhe për skenar origjinal. Në ceremoni Dimitër Marinov valëviti flamurin bullgar. “Libri i gjelbër” i kthen shikuesit në fillim të viteve 60 të shekullit XX, kur një trio muzikantësh bredh “Jugut të thellë” të SHBA-së duke u përpjekur t’i çrrënjosë paragjykimet ndaj njerëzve me ngjyrë më të ndryshme të lëkurës nga e bardhja. Dimitër Marinon luan rolin e violonçelistit rus Oleg. Në kastingun e parë për filmin Marinov u refuzua me argumentin se ishte “tepër i ekuilibruar”. Pas një muaji e gjysmë e kërkuan përsëri dhe e ftuan për të marrë pjesë edhe një herë në kasting, por këtë herë duhej t’i binte violonçelit. “Në vazhdim të 4-5 ditësh luaja në violonçel nja 5-6 orë në ditë dhe në fund gruaja ime pothuajse ishte vendosur për t’u divorcuar” – tha me buzëqeshje Mainov. Kastingu i dytë ishte i suksesshëm për aktorin bullgar.