Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

Athina nuk e njeh “minoritetin maqedonas” në Greqi

Foto: BGNES

Burime diplomatike greke hodhën poshtë “pohimet e papranueshme” në një reportazh të BBC-së, në të cilin flitet për “minoritet maqedonas” në Greqi, informoi “Kathimerini”, Në këtë sfond Ministri i mbrojtjes i Greqisë admiral Evangelos Apostolakis deklaroi: “Ne synojmë që të bëhemi partner kryesor strategjik i mbrojtjes së Maqedonisë së Veriut në ruajtjen e paqes dhe forcimin e bashkëpunimit në Ballkan. Po të japë Greqia kontributin e saj për transformimin e ushtrisë së Maqedonisë së Veriut, kjo do të parandalojë ndikimin e kandidatëve të tjerë rajonalë, të cilët mund të përpiqen të korrin përfitime dhe të ushtrojnë ndikim mbi fqinjin tonë verior.”


Kriza parlamentare mund të pengojë rrugën e Shqipërisë drejt Bashkimit Evropian

Foto: BGNES

Pavarësisht nga këshillat e BE-së, opozita shqiptare mbetet jashtë parlamentit. Partia Demokratike e Lulzim Bashës mendon se në vend të që humbë kohën e vet në debate me socialistët, është më mirë që të zhvillojë agjitacion nëpër Shqipërinë për zgjedhje të parakohshme. Kryeministri Edi Rama komentoi se “vendimi për lënien e mandateve nga opozita është zgjedhja më e keqe e saj, lajm tejet i keq për demokracinë”. Për herë të parë ai pohoi se ky vendim mund të çojë në bllokimin e negociatave për Shqipërinë në BE gjatë këtij viti, por ishte kategorik se zgjedhje të reja do të ketë që gjatë korrikut të 2021.


Serbia dhe Kosova – ndryshim i kufirit apo ngrirje e negociatave

Foto: Tanjug

Presidenti i Serbisë Aleksandër Vuçiç hodhi poshtë informacionet në mediat gjermane dhe kosovare për këtë se ekziston një plan i koordinuar për nënshkrimin e marrëveshjes për Kosovën më 12 qershor në Uashington. Sipas pohimeve në fjalë Serbia do të merrte territore në veri të lumit Ibër, në këmbim të Preshevës dhe Medvegjës, të cilat do t’i bashkoheshin Kosovës. Bashkimi Evropian dhe Shtetet e Bashkuara të Amerikës do ta garantonin trafikun ndërkombëtar në korridorin numër 10, i cili do të kalonte në duart e shqiptarëve. Mitrovica do të merrte një status të veçantë ndërkombëtar. Opozita në Beograd akuzoi qvereritarët për këtë se negociatat për Kosovën shkelin Kushtetutën e Serbisë, kurse ajo në Kosovë është e pakënaqur me shkëmbimet e propozuara territoriale. Mosmarrëveshjet çojnë në ngrirjen e radhës të konfliktit.


Rumania po heton komisionerë evropianë

Foto: BGNES

Në Вruksel ishin befasuar kur në mënyrë jozyrtare morën informacione për këtë se Zyra speciale për hetimin e krimeve pranë sistemit gjyqësor të Rumanisë po heton zëvendës kryetarin e Komisionit Evropian Frans Timmermans. Kundër tij dhe prokurorit të përgjithshëm të Rumanisë Augustin Lazar, drejtorit të e Përfaqësisë së Komisionit Evropian në Bukuresht Angela Cristea dhe komisioneres për çështjet e drejtësisë Vera Jourova janë ngritur akuza për krijimin e një grupi kriminal, për shpërdorime të detyrës, mashtrim intelektual dhe përhapjen e informacioneve të rreme në lidhje me falsifikimin e raportit për Rumaninë në kuadrin e Mekanizmit për bashkëpunim dhe verifikim. Reagimi i Komisionit Evropian ishte i shkurtër dhe i përmbajtur: “Komisionerët evropianë nuk janë nën juridiksionin e Rumanisë”. Por të gjithë shtetasit e Rumanisë mbeten nën juridiksionin e saj.

Përpiloi: Ivo Ivanov

Përgatiti në shqip: Jordanka Ivanova

Më shumë nga rubrika

Specialistët e filologjisë franceze në vendin tonë kanë mundësi të mira për realizim profesional

Traditat frankofone në Bullgari kanë një histori të pasur që daton që nga epoka e Rilindjes Kombëtare Bullgare. Edhe atëherë, kultura dhe gjuha franceze respektoheshin tek pjesa më e arsimuar e shoqërisë sonë si bartëse e vlerave evropiane. Dhe në..

botuar më 24-07-02 7.10.PD

Ka pasur shumë interes për kontrollet mjekësore të organizuara nga Bullgaria në Kukës të Shqipërisë

Ekzaminimet multidisiplinare falas të kryera nga ekipet mjekësore bullgare dhe shqiptare në Kukës tërhoqën mbi 300 persona në dy ditët e fundit të qershorit. Ekzaminimet u transmetuan nga mediat kryesore shqiptare, duke përfshirë Radio Televizionin..

botuar më 24-07-01 10.48.PD
Mitropoliti i Vidinit Daniill

Daniill është emri i patrikut të ri bullgar

Mitropoliti i Vidinit Daniill është patriku i ri bullgar. Ai u zgjodh me 69 vota kundër 66 për Mitropolitin e Vracës Grigorij. Kishte edhe tre fletë votime të pavlefshme. Mitropoliti Daniill - me emrin laik Atanas Trendafillov Nikollov, lindi në..

rinovuar më 24-06-30 1.45.MD