Taksi të shumta kaluan nëpër rrugët qendrore të Sofjes në shenjë proteste kundër mosveprimit të shtetit lidhur me ekonominë joformale. Protesta është organizuar për shkak të veprimtarisë së një firme në sektor – “Maxim”, e cila sipas shoferëve që marrin pjesë në demonstratë tashmë një vit ofron transport të pasagjerëve në mënyrë jolegale nëpërmjet një platforme online. Para një viti janë bërë denoncimet e para në Komisionin e Mbrojtjes së Konkurrueshmërisë, Agjencisë Kombëtare të të Ardhurave, Prokurorisë dhe Ministrisë së Punëve të Brendshme. Ndërkohë Zv.Ministri i transportit Angell Popov deklaroi se së shpejti veprimtaria e platformës mund të ndalohet, sepse janë mbledhur mjaftë prova për shkeljen e ligjeve.