Veglat muzikore janë lodrat e tij nga fëmijëria dhe deri më sot frymëzohet nga të gjitha veglat e reja elektronike muzikore. Kompozitor dhe pedagog në një shkoll në Tel Aviv, autor i një libri për teknikën e sintezatorëve, Valentin Llazar krijon me bindjen se jep më të mirën nga vete.
Sivjet mbushen 45 vjet nga krijimi i studios së parë për muzikë elektronike në Bullgari. Kjo ndodhi në vitin 1974 në Radion Kombëtare Bullgare, udhëheqja e atëhershme e së cilës përkrahu idenë e inxhinierit të porsaemëruar në punë Simo Llazarov të krijohet një studio e tillë me pajisjen më moderne. Ai kishte prirje të eksperimentojë dhe të kompozojë në një stil krejt të ri për kohën në të cilën jetonte – muzikën elektronike dhe kompjuterike. Simo Llazarov rriti në një familje të muzikantëve - një violinisti dhe një dirigjenti, dhe që nga mosha pesëvjeçare i binte pianos. Po këtë fat e kishte pas vitesh edhe biri i tij Valentin Llazar, fëmijëria e të cilit kaloi nën ndikimin dhe udhëzimet e të atit, të cilit iu shpreson edhe më sot. Kur ishte fëmijë Valentini priste me padurim ditët, kur frekuentonte me të atin Radion Kombëtare Bullgare.
“Që nga mosha më e re e shoqërova tim at Simo Llazarov në koncertet e tij dhe në punimet që bënte. Isha nja 6-7 vjeçar kur bashkë takoheshim me kolegët e tij muzikantë – tregon Valentini. – Edhe më sot mbaj mend sintezatorin e madh “Sinti 100” në studion e muzikës elektronike të Radios Kombëtare Bullgare. Kishte qindra potenciometra dhe susta, me ndihmën e të cilave nxirreshin tingujt.”
Kur ishte 15 vjeçar Valentin Llazari fitoi një bursë e cila iu dha atij mundësi të mësojë në Izrael. Edhe më sot ai mban mend këshillin e të atit, se “gjithçka që do të mësosh duhet të harrosh më pas, kështu që të vazhdosh krijimtarinë me një instinkt primar”. Kur mbërriti në Izrael Valentini nuk zotëronte gjuhën ivrit, prandaj frekuentonte një kurs të specializuar gjuhësor dhe një shkollë për mësimin e shkencave kompjuterike. Atij iu imponua që brenda 3-4 muajve të mësojë gjuhën. Më vonë u kthye në Bullgari ku mbaroi pedagogjiken muzikore në Universitetin e Sofjes dhe “Muzikë kompjuterike dhe saund dizajn” në Universitetin e Ri Bullgar.
Sot Valentin Llazar jeton në Tel Avivin, ku ka studio të vet muzikore. Përveç si kompozitor punon si pedagog në një shkollë fillore. Është i bindur se nxënësit, me të cilët çdo javë ka takime, janë kritikët më të mirë. Kjo për arsye, se fëmijët tregojnë se çfarë pëlqejnë dhe për çfarë humbin interesin.
Përsa i përket bashkësisë bullgare, Valentin Llazar mban lidhje me miqtë e tij nga Bullgaria të cilat emigruan në Izrael. Krahas kësaj takoi shumë miq të tjerë. “Lidhja midis Izraelit dhe Bullgarisë është shumë e fortë dhe kjo më sjell një gëzim të madh. Shumë grupe bullgare vijnë këtu, ndërsa muzikantë izraelitë japin koncerte në Bullgari. Lidhjen me Bullgarinë e mbaj të gjallë. Kontaktet e mia janë kryesisht mbi bazë miqësore, por do të gëzohem në se do të vendos edhe kontakte profesionale”, thekson Valentin Llazari.
Përgatiti në shqip: Svetllana Dimitrova
Shkaba egjiptiane, ose Kali i Qyqes,/ Neophron percnopterus/ po kthehet pasi ishte në prag të zhdukjes, njofton Shoqata Bullgare për Mbrojtjen e Zogjve. Ata kanë konstatuar një numër rekord prej 35 territoresh ku bën fole shkaba egjiptiane,..
Pas nënshkrimit të marrëveshjes mes qeverive të Bullgarisë dhe Moldavisë, Universiteti Shtetëror në qytetin Taraklia u bë strukturë e Universitetit “Angell Kënçev” në qytetin bullgar Ruse, njoftoi qendra për shtyp e Këshillit të Ministrave. Nëpërmjet..
Bullgaria do të mirëpresë rreth 200 nxënës dhe të rinj nga e gjithë bota, të cilët do të marrin pjesë në Olimpiadën e parë Ndërkombëtare të Inteligjencës Artificiale, të krijuar nga bullgarët. Në garë kanë konfirmuar pjesëmarrjen 44 ekipe, dy prej..
Shenjtëria e tij, Patriarku bullgar dhe Mitropoliti i Sofjes Daniil, kryesoi Liturgjinë e Shenjtë festive, së bashku me peshkopin Pahomi të Branicës,..