Kompania greke e gazit DEPA ka propozuar çmim më të ulët dhe e fitoi ankandin e shpallur nga “Bulgargaz” për blerjen e një mln e gjysmë megavat orëve të lëndës blu. Kështu për herë të parë kompania jonë e gazit do të blejë gaz, i cili nuk është furnizuar sipas planit afatgjatë me “Gazprom Eksport”. “Bulgargaz” do ta blejë tërë sasinë e shpallur në ankand nga kompania greke. Nga oferta bëhet e qartë se lënda e propozuar është një miks prej gazit të lëngëzuar dhe atij të tubacionit. Kërkesa kryesore e kompanisë sonë të gazit ka qenë që çmimi të jetë më i ulët nga ai i shpallur nga rregullatori energjetik – 23 euro për një megavat orë.