Pas klasës së fundit të mjeshtërve në Akademinë Kombëtare Muzikore “Panço Vlladigerov”, që ishte në tetor të vitit të kaluar, këngëtarja operistike bullgare me famë botërore Anna Tomova-Sintova prapë është në Bullgari. Kësaj here për të përfshirë në përgatitjen vokale të këngëtarëve të Operës së Sofjes për premierën e operës së Mozartit “Don Zhuan”
“Më 7 prill në sallat e Operës së Sofjes do të hapet ekspozita me 120 fotografi të cilat prezantojnë rrugën 55-vjeçare krijuese të këngëtares Anna Tomova-Sintova – tregon specialistja e muzikës Magdalena Manollova. – Pas kësaj parashikojmë një bisedë me publikun. Në skenë do të jemi bashkë, ndërsa në një ekran do të shfaqen çaste yjore të karrierës së këngëtares. Publiku do të shikojë interpretime të saj bashkë me këngëtarë të tjerë të mëdhenj operistikë. Publiku do të ketë mundësi të njihet jo vetëm me karrierën e saj, por edhe me personalitetin e saj. Një veprimtari të ngjashme para kohe u organizua edhe në Vjenë.”
Anna Tomova-Sintova njihet me praninë e saj të papërsëritshme artistike dhe me repertorin e pasur. Në vitet 70-të të shekullit të kaluar ajo u njoh interpretuesja më e mirë e veprave të kompozitorit Rihard Shtraus. Në sajë të punës së vazhdueshme të përbashkët me dirigjentët e mëdhenj të kohës sonë duke përfshirë edhe Herbert fon Karajan, këngëtarja grumbulloi një përvojë të pasur dhe të pazëvendësueshme. Tregon, se jeta e saj ishte normale, mesa ishte e mundshme për një yll të tillë dhe se gjithnjë mund t’iu shpresonte përkrahjes së familjes.
“Gjithnjë kam synuar të ndjek rrugën time – tregon zonja Sintova. – Ati im ishte mësues i fizikës dhe i astronomisë në një gjimnaz, adhurues i madh i natyrës. Me të pushtuam të gjitha majat bullgare. Ëma ime ishte koriste në Operën e qytetit tim të lindjes Stara Zagora. Kështu që pothuajse çdo ditë ishim në prova dhe në shfaqje. Në vitet pas luftës kishte vështirësi, por na mësuan të kërkojmë gjërat pozitive. Në edukimin dhe në formimin tim një ndikim ushtroi edhe mësuesi im i pianos. E gjithë kjo formoi te unë një ndjenje të përgjegjësisë, një respekt ndaj punës. Më mësuan të bëj punën time ashtu siç është e domosdoshme. I dua njerëzit, prandaj këndoj me një dashuri të tillë për ta. Gjithnjë e kam dëgjuar zemrën time. Në shoqërinë e sotme egoizmi është shumë i fortë, mungon lojaliteti dhe respekti. Në këtë drejtim burrat e mençur nga Lindje më kanë shërbyer si një shembull. Megjithëkëtë përpiqem të evitoj fanatizmin. Ndjenjat shpirtërore duhet që në mënyrë më të natyrshme të ndihmojnë mjeshtërinë për të jetuar. Herbert fon Karajani mendonte se jo vetëm posedoj aftësinë të kuptoj muzikën në thellësi, por edhe t’ua transmetoj edhe të tjerëve. I premtova se përderisa kam mundësi do të bëj pikërisht këtë. Kudo që jap mësime mbaj kontakte me të rinjtë. Ata më kërkojnë dhe mezi arrij të këshilloj secilin, por e kam këtë detyrë e cila më çon përpara.”
Kur ishte 4-vjeçare, në skenën e Operës së qytetit Stara Zagora, këngëtarja e ardhshme rikrijoi rolin e fëmijës së Madama Butterfly në operën me të njëjtin titull. Po këtë rol vite më vonë e rikrijoi edhe e bija e këngëtares – Sillvana Sintova gjë për të cilën tregon.
“Kur isha e vogël i pëlqeva operat “Traviata dhe “Madama Butterfly”. Nëna ime rikrijonte role tragjike dhe personazhet e saj vdisnin në skenë. Prandaj unë qaja me lot. Deri në moshën 18-vjeçare desha të bëhem këngëtare, mësova këndim në shkollën muzikore në Berlin. Por e nisa rrugën e artistes – si ati im i cili kishte mbaruar Akademinë Kombëtare të Artit Teatror dhe të Filmave në Bullgari. Pasi tre vjet rikrijova personazhe të ndryshme në Londër nisa punë si PR në një firmë të madhe për pllaka të gramafonit. Pas kësaj më transferuan në Paris të përgjigjem për këngëtarët dhe dirigjentët, me të cilët realizoheshin incizimet, dhe më në veçanti për dirigjentin dhe pianist Daniell Barenbojm. Në vazhdim të 8 viteve isha PR-i i tij personal. Pas kësaj krijova një agjenci të vet për PR dhe menaxhim të këngëtarëve dhe dirigjentëve. Punojmë me bashkëshortin, i cili është bir i një këngëtare tjetër të madhe Hilldegard Berens (Hildegard Behrens). Bija jonë gjithashtu ka dëshirë të bëhet këngëtare, ndërsa biri – pianist...”
Sillvana tha, se incizimet të cilat do të prezantohen më 7 prill janë pak të njohura dhe janë pjesë e arkivit personal të këngëtares Anna Tomova-Sintova.
Përgatiti në shqip: Svetllana Dimitrova
Me bijën Sillvana dhe mbesën Marija-Anna / Foto: Daniell Dimitrov
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..
Dy autorë dhe interpretues të talentuar u bashkuan në një duet. Robi dhe Dara Ekimova krijuan bashkë muzikën dhe tekstin e këngës "Nëse telefonon". Aranzhimin e bënë Robi dhe Martin Nikollov. Robi tregon për krijimin e këngës: "Një mbrëmje i..
I riu Cvetelin Nakov është shumë i emocionuar duke na ofruar këngën e tij të parë "Mos ik". Në përputhje me stilin e tij emocial, Rafi Zhamakorcjan..