Kryetarja e Kuvendit Popullor Cveta Karajançeva diskutoi me presidentin e Bashkimit të Transmetuesve Evropianë (EBU), i cili është edhe drejtor i përgjithshëm i BBC-së Tony Hall, për rolin e mediave publike në Bullgari dhe në Bashkimin Evropian. Duke nënvizuar se ato kanë një rol tepër të rëndësishëm kulturor, arsimor dhe shoqëror, Karajançeva pohoi angazhimin e ligjvënësve bullgarë për garantimin e pavarësisë së tyre dhe vuri theksin në kundërvënien e lajmeve të rreme. Lord Tony Hall nënvizoi domosdoshmërinë për investime në arsimimin dhe zhvillimin e gazetarëve, të cilët punojnë në mediat publike. Bashkëbiseduesit u pajtuan se pritjeve të larta ndaj mediave publike mund t’u përgjigjet vetëm nëpërmjet bashkëpunimit të tyre me pushtetin ligjvënës dhe me atë ekzekutiv.