Ministri i transportit Rosen Zheljazkov diskutoi me Ambasadorin e Turqisë tek ne Hasan Ulusoy situatën aktuale me kalimin e vështirësuar të automjeteve në pikat e kalimit në kufirin mes Bullgarisë dhe Turqisë. Ambasadori informoi Zheljazkovin se që nga 11 prill 2019 në pikat e kontrollit kufitar në Turqi, përfshin edhe ato me Bullgarinë, funksionon një sistem i integruar për menaxhimin e mbledhjes së tarifave dhe gjobave, të lidhura me përdorimin e infrastrukturës rrugore të shtetit turk (sistemi TOLL) dhe të gjitha shumat e papaguara mblidhen në pikat e daljes nga Turqia. Ulursoy mohoi informacionet për pengimin e qëllimshëm të lëvizjes së automjeteve. Lidhur me ankesat e disa shoferëve bullgarë për gjoba tepër të larta, ambasadori shpjegoi se vlera e taksave të papaguara dhe e gjobave mund të kontestohet në përputhje me legjislacionin turk, por sipas ligjit në fuqi më parë duhet të paguhen shumat e kërkuara.