Eksporti i mallrave bujqësore dhe ushqimeve arriti 4,5-5 mlrd. euro, kjo është 1 mlrd. euro më shumë në krahasim me importin, tha Ministri i bujqësisë Rumen Porozhanov në forumin e organizuar me rastin e Pashkëve “Po! Ushqimeve bullgare”. Gjatë vitit 2018 vetëm në Japoni janë eksportuar 1,3 mln. litra verë. Në Japoni vera ambalazhohet në shishe me markën “Neshka” siç është emri i trajneres së njohur bullgare të gjimnastikës artistike, e cila është shumë e njohur atje. Marrëveshja e Japonisë me BE është në favor të shkëmbimit të mallrave ndërmjet Bullgarisë dhe Japonisë duke pasur parasysh se taksat doganore për produktet bullgare hiqen plotësisht. Kështu me siguri eksporti bullgar për këtë shtet aziatik do të vazhdojë të rritet. Vazhdojnë dhe negociatat për rritjen e furnizimeve të verës bullgare në Kinë. Pekini ka premtuar se do të lejojë importin e bulmetrave bullgare. PO kërkohen tregje të reja edhe në shtetet arabe.