Në lidhje me njoftimin se javën tjetër një delegacion bullgar do të niset për në SHBA që të bisedojë për marrjen e gjuajtësve F-16, Zëvendësministri i Mbrojtjes Atanas Zaprjanov deklaroi para Radios Kombëtare Bullgare (BNR) se Bullgaria nuk synon marrëveshje me çdo kusht. Mandati i dhënë nga Parlamenti është për arritjen e një marrëveshjeje me përmasë 771-925 mln euro /1,5-1,8 mlrd leva/ dhe megjithëse shteti ynë ka lejë që të devijojë nga ky perimetër, ky devijim nuk mund të jetë i pakufishëm. Ekipi negociues ka qëllim arritjen e një pakoje të arsyeshme për F-16, e cila të mos ketë efekt negativ mbi projektet për marrjen e anijeve për Forcat Detare dhe të makinave luftarake për Forcat Tokësore, shtoi Zëvendësministri.