Në një ceremoni festive në praninë e dy ministrave të jashtëm të Bullgarisë dhe të Gjermanisë, Ekaterina Zaharieva dhe Heiko Maas, u bë gërmimi i parë për ndërtimin e ambasadës së re gjermane në Sofje. Gjatë kohës së ceremonisë të dy ministrat  vendosën në themele një kapsulë të kohës me mesazh për brezat e ardhshëm dhe një copë nga Muri i Berlinit i rrëzuar gjatë vitit 1989. Përpara ceremonisë ministrja Zaharieva dhe ministri Maas shëtitën në qendrën historike të Sofjes dhe vizituan metro-stacionin “Serdika”. Metroja e kryeqytetit është mes projekteve më të suksesshme të dhëna më shpesh si shembull i projekteve të suksesshme të ndërtuara me para të Bashkimit Evropian.