Forcat e majta në Ballkan u kthyen me një hap prapa në këto zgjedhje evropiane
Në Greqi do të zhvillohen zgjedhje të parakohshme, pasi Kryeministri Alexis Tsipras shpalli se do të japë dorëheqje. Ai e deklaroi këtë pas humbjes së partisë së tij “Siriza” nga partia demokratike “Demokracia e Re”, e cila është përpara me 9% në këto zgjedhje evropiane. Edhe në Rumani Partia Socialdemokratike në pushtet pësoi humbje, duke fituar rreth 24% prej votave. Atje më shumë vota fitoi Partia Nacional-Liberale eCălin Popescu-Tăriceanu. Në Slloveni Partia Demokratike Sllovene e ish-Kryeministrit Janez Jansa kundër Imigrantëve ka më shumë vota – 26.5%. Socialdemokratët janë në vend të dytë me 18.6%, ndërsa partia e Kryeministrit Marjan Sharec mori 15.6%. Në Kroaci në bazë të 99.8% të votave të numëruara zgjedhjet i fiton Bashkësia Demokratike Kroate me 22.7 %prej votave. Pas saj radhitet Partia Socialdemokratike me 18.7%. Në Qipro në vend të parë, sipas të dhënave paraprake, është Bashkimi konservator Demokratik, i cili është me më shumë vende në Parlamentin Kombëtar.
Presidenti i Shqipërisë kritikoi idenë për bashkimin e shqiptarëve
Presidenti i Shqipërisë Ilir Meta kritikoi idenë e përhapur për bashkimin e shqiptarëve në një shtet. Sipas fjalëve të tij, ide të tilla përdoren nga shumë politikanë të autoritetshëm për ridrejtimin e vëmendjes nga çështjet e brendshme dhe nga përgjegjësitë e tyre. Sipas Metës çdo një komb në Ballkan diku është shumicë, ndërsa diku tjetër – pakicë. Vendimi i vetëm është bashkëjetesa dhe respektimi i standardeve evropiane për mionoritetet.
Në Kroaci u zhvilluan protesta kundër aborteve
Mijëra banorë në disa qytete kroate dolën për të protestuar kundër aborteve. Në Zagreb Policia arrestoi disa protestues për të drejtat e grave, të cilët përpiqeshin ta bllokonin “Marshin për jetën”, që tërhoqi rreth 5000 veta në qendër të kryeqytetit. Protestuesit mbanin me vete ballonë dhe pllakate me mbishkrime: “Le të mbrojmë minoritetin më të rrezikuar në Kroaci – fëmijët e palindur”. Aborti në Kroaci është i lejuar deri në të dhjetën javë të shtatzënisë, sipas një ligji nga viti 1978, kur shteti ende ishte pjesë e Jugosllavisë komuniste. Rreth 60 për qind e gjinekologëve në spitalet shtetërore nuk kryejnë aborte, duke u mbështetur tek e drejta e tyre për “refuzim të vetëdijshëm”, shënon një studim i zhvilluar me iniciativë të televizionit RTL.
Qiproja ka politikë të re për banesat për shkak të rritjes së madhe të qirave
Stimuj ekonomikë, subvencione shtetërore dhe preferenca për banesat parashikon një politikë e re e qeverisë së Qipros për banesat. Ajo u është drejtuar njerëzve me të ardhura të ulëta dhe mesatare, të cilët u prekën më shumë nga kriza ekonomike. Gjatë tre viteve të fundit çmimet e qirave në Qipro janë rritur me mbi 40 për qind për shkak të ofrimit të vogël dhe kërkimit të madh të banesave. Parashikohen stimuj për sipërmarrësit, që të rritet ndërtimi i banesave me çmime të arsyeshme. Preferencat financiare janë planifikuar edhe për rajonet malore dhe fshatare, të cilat do të jenë në fuqi si për shtetasit e Qipros, ashtu dhe për shtetasit e BE-së.
Në Rumani shiten mbi 150 pallate, por nuk ka se kush t’i blejë
Mbi 150 pallate me vlerë të përgjithshme afro 200 mln euro do të shiten në një ankand në Rumani pas shumë viteve të vjedhjeve dhe shkatërrimeve. Një pjesë e godinave historike, ku kanë banuar fisnikët rumunë, janë bërë të njohura edhe jashtë pas pjesëmarrjes së tyre në filma të ndryshëm. Mirëpo, pronarët e tyre nuk janë në gjendje të paguajnë shumat e domosdoshme për rimëkëmbjen e monumenteve arkitekturore.
Përpiloi: Miglena Ivanova
Përgatiti në shqip: Vesella Mançeva
Një nga shkollat e larta në vendin tonë që ofron specialitete me mundësi studimi në frëngjisht është Universiteti i Ri Bullgar (NBU). Ndër tyre janë "Shkencat Politike" dhe "Gjuhët e huaja të aplikuara për administrim dhe menaxhim (në anglisht dhe..
Gati 10 për qind e 11-vjeçarëve në vendin tonë kanë qenë të dehur të paktën dy herë në jetën e tyre, 18% e djemve dhe 13% e vajzave kanë pirë cigare, dhe rreth 19% e 15-vjeçarëve kanë përdorur kanabis, sipas një studimi ndërkombëtar të sjelljes..
Java që kaloi ishte java e tretë e Shkollës Verore të Gjuhës dhe Kulturës Bullgarenë Tiranë. Kjo ishte dhe java e fundit e shkollës në ambientet e Fakultetit të Gjuhëve të Huaja në Tiranë, i cili u ofroi pjesëmarrësve kushte moderne bashkëkohore për..
Bullgaria lëshon viza Shengen vetëm për qëndrime afatshkurtra. Deri në fund të korrikut, ato janë mbi 35 000, sipas një deklarate të Ministrisë së..