Pavarësisht se eksporti bullgar shënoi gjatë vitit 2018 33,205 miliardë dollarët rekorde, Bullgaria humbet pozicione dhe është në vendin e 64 mes eksportuesve në botë (61 për vitin 2017). Këtë e tregon një analizë e drejtorisë “Bashkëpunim i jashtëm ekonomik” në Dhomën Industriale Bullgare. Mallrat me eksport më të madh janë nga dega e elektroteknikës dhe e elektronikës, bakri dhe prodhimet prej bakri, mbartësit e energjisë (lëndë djegëse dhe energji elektrike) dhe makinat dhe aparatet. Ato formojnë 36% nga eksporti ynë. Bullgaria mban 24,5% nga tregu botëror për mëlçi pate, qershitë e konservuara zënë 19,7% prej tregut , gruri për mbjellje - 14,5%, mishi i patës-13,3%, xeheroret e metaleve të çmuara - 11,6%. Gjatë vitit 2018 Bullgaria ka realizuar eksport për 198 shtete dhe territore. Tregjet më të rëndësishme janë Gjermania, Italia, Rumania, Turqia dhe Greqia, të cilat formojnë 46,4% prej eksportit.