Kompania franceze Bic – prodhuese e stilolapsave, makinave të rrojës dhe çakmakëve do të ofrojë 400 vende të reja pune në fushën e teknologjive digjitale. Gjysma prej tyre do të jenë në Bullgari, informoi Agjencia France Presse. Me këtë investim “Bic” qëllon të arrijë efikasitet më të madh dhe të jetë më afër konsumatorit të fundit me ndihmën e teknologjive të reja, ka thënë drejtoresha e kompanisë Sophie Palliez-Capian. Për këtë arsye “Bic” kërkon specialistë në fushën e analizës së të dhënave , marketingut digjital dhe tregtisë në internet. Në Sofje kompania do të hapë një qendër të shërbimeve. Në “Bic” punojnë 13 600 punëtorë në tërë botën.