Javën e kaluar biseduam me homologun Zoran Zaev, se me gjuajtësit e rinj, të cilët do të blejmë, do të mbrojmë edhe hapësirën qiellore të Maqedonisë së Veriut. Këtë e tha kryeministri bullgar Bojko Borisov në poligonin Novo Sello, ku ishte për të parë stërvitjen ushtarake ndërkombëtare. Ndërkohë zëdhënësi i qeverisë maqedonase Muamet Hoxha komentoi pozitën kritike të ministres së jashtme bullgare Ekaterina Zaharieva për punën e komisionit të përzier për çështjet e diskutueshme historike. Shpresojmë që komisioni do të gjejë zgjidhje në frymën e miqësisë dhe fqinjësisë së mirë midis dy shteteve, komentoi zëdhënësi.