Blerja e shumëpritur e avionëve F-16 nga ShBA do të realizohet me mjete nga rezerva shtetërore, tha Kryeministri Bojko Borisov. Negociatat po vazhdojnë për çmim midis 1,15 – 1,3 mlrd. dollarë. Shuma më e madhe është oferta e amerikanëve, por pala bullgare shpreson se do të negociojë një çmim më të favorshëm – 115 mln. dollarë më pak, duke pasur parasysh se nuk do të bëhen kompromise me aftësitë luftarake të 8 makinave. Në fund të javës së ardhshme në Bullgari përsëri do të mbërrijë për negociata një delegacion nga Shtetet e Bashkuara të Amerikës, me të cilin do të zhvillohen bisedimet finale për lidhjen e marrëveshjes, tha Ministri i mbrojtjes Krasimir Karakaçanov. Ai informoi gjithashtu se është planifikuar një takim i tij me shefin e Pentagonit brenda disa ditëve të ardhshme, në se ndryshimet e stafit në Uashington nuk i pengojnë këto plane.