Kryeministri Bojko Borisov hapi Forumin e dytë Ekonomik të Plovdivit me fjalët se zhvillimi i Bullgarisë gjatë 10 vjetëve të fundit është në sajë të mjedisit të mirë tatimor dhe në sajë të riorientimit të biznesit ndaj degave si inxhinieria mekanike, elektronika dhe metalurgjia. 4 herë është rritur eksporti i produkteve të elektronikës dhe 2 herë atyre të inxhinierisë mekanike. Për dhjetë vjet të ardhurat e punëtorëve janë dyfishuar. Por për të vazhduar këtë tendencë kemi nevojë për hapjen e prodhimeve të reja me vlerë të lartë të shtuar, mendon Borisovi. Sipas tij me prioritet për Bullgarinë janë ndërtimi i porteve të reja, autostradave, linjave hekurudhore, gazsjellësve. Hapat e tjera të domosdoshme janë lidhur me politikën e parashikueshme tatimore, me ngushtimin e informalitetit, me arsimin dhe kualifikimin e krahut të punës.