Në ditët nga 29 qershori deri më 3 korrik për herë të katërt të radhës do të zhvillohen Ditët e folklorit, kulturës dhe traditave bullgare në Ohër. Qëllimi i tyre është të popullarizojnë folklorin tradicional bullgar të të kënduarit dhe të vallëzimit në pikën e stinës turistike në qytetin e Maqedonisë së Veriut.
Ditët e festivalit parashikojnë një program të pasur kulturor me ekspozitë me fotografi të veshjeve popullore autentike bullgare, një tryezë të rrumbullakët me temë “Folklori i Ballkanit” me pjesëmarrjen e shkencëtarëve nga Akademia Bullgare e Shkencave dhe folkloristë nga Greqia, Shqipëria dhe Maqedonia e Veriut. Dy janë netët e konkurseve, në të cilat pjesëmarrës nga e gjithë Bullgaria do të masin fuqi në kategori të ndryshme, ku numri i përgjithshëm i interpretuesve kapërcen 600 veta. Kryetare e jurisë është doktoresha Margarita Krësteva, folkloriste nga Universiteti i Ri Bullgar.
Organizatorët e festës së folklorit bullgar në Ohër janë asociacioni për art dhe kulturë “ART Vivendi”-Ohër dhe Fondacioni “ZHAR-C” nga Bullgaria. Ngjarja zhvillohet me përkrahjen e Ambasadës së Republikës së Bullgarisë në Maqedoninë Veriore, shoqatës “Miqësi Bullgari - Maqedoni” dhe Universitetit të Ri Bullgar.
Për të katërtin vit radhazi, qyteti i Trënit do të presë një festival dimëror të lojërave të maskaradës. Fillimi do të jetë më 3 shkurt nga ora 12:00 deri në orën 14:00 në sheshin qendror të qytetit. Katër grupe survakarësh / survakarët janë djem..
Në fundjavë në Dellçevo do të derdhet verë falas nga dy krojet e fshatit. I vendosur në buzë të malit, fshati i zonës së Goce Dellçevos prej kohësh është bërë një atraksion turistik për shkak të arkitekturës së tij të lashtë dhe pamjeve të bukura të..
Nga 26 deri më 28 janar në qytetin e Pernikut, afër Sofjes po zhvillohet festivali i maskaradës më të gjallë, më të zhurmshme dhe më të mbushur me njerëz në Bullgari. Festivali quhet “Surva”, që është edhe emri i këtij zakoni të lashtë, i ruajtur..