Nga partia GERB bën propozim që të hiqet votimi me makina për zgjedhjet vendore dhe parlamentare. Ndryshimet e përgatitura të Kodit Zgjedhor do të marrin përkrahjen e “Patriotëve të Bashkuar” dhe “Volja”, ka reagime të tilla pozitive dhe nga ana e Lëvizjes për të Drejtat dhe Liritë. Propozimi është argumentuar me analizën e Komisionit Qendror të Zgjedhjeve, në të cilën janë shprehur shqetësime të lidhura me anulimin e zgjedhjeve vendore. “Vështirësitë e lidhura me votimin me makina dhe interesi i ulët i zgjedhësve janë arsyet kryesore”, tha në përkrahje të propozimit kryetarja e Kuvendit Cveta Karajançeva. Sipas Partisë Socialiste Bullgare propozimi i partisë në pushtet është i papranueshëm, sepse “në shtetet demokratike rregullat zgjedhore nuk ndryshohen për një periudhë të paktën një vjeçar para zhvillimit të zgjedhjeve, kurse në Bullgari ligjin e ndryshojmë çdo dy muaj” – tha përfaqësuesi i socialistëve Krum Zarkov.