Bullgaria mbetet në garë për tërheqjen e investimit të madh të Volkswagen, tha ministri i ekonomisë Emill Karanikollov. Ashtu si Turqia, Bullgaria i ka bërë një ofertë tërheqëse kompanisë dhe aktualisht po pritet vendimi i investitorit për ndërtimin e uzinës së tij të re. Ne jemi njëra nga të dyja vendet që mbetën në garë, në të cilën fillimisht merrnin pjesë 20 shtete dhe kjo me siguri është një njohje, shtoi Karanikollovi. Ministri deklaroi se gjatë disa muajve të fundit ka interes serioz nga ana e një prej investitorëve më të mëdhenj strategjikë për prodhimin e automjeteve. Ambiciet janë për hapjen e 120 mijë vendeve të reja pune. Kompanitë që do të punojnë në industrinë tonë automobilistike pritet se mund të bëhen 500.