Në fund të shtatorit në Bullgari pritet se do të zhvillohet auditimi i Komisionit Evropian sa u përket masave të ndërmarra nga shteti për kundërvënien e murtajës së derrave. Nga rezultatet e këtij auditi varret përkrahja financiare, të cilën Brukseli do t’ia sigurojë Bullgarisë në formën e kompensimeve. Këtë e shpjegoi Ministrja e bujqësisë Desisllava Taneva në një intervistë për Radion Kombëtare Bullgare. Bullgaria do të insistojë për ndryshime, të cilat do të lejojnë kompensimin e bujqve të vogël, të cilët nuk kanë ferma të regjistruara për rritjen e derrave dhe i rritin kafshët për sigurimin e nevojave të familjeve të tyre. Sofja pret se Brukseli do të ofrojë 11 mln. euro për kompensime për asgjësimin e derrave në fermat e mëdha industriale dhe 2,9 miliona euro për të luftuar sëmundjen. Aktualisht masat e detyrueshme për asgjësimin e derrave shtëpiakë janë në fuqi për 23 qarqe nga të gjitha 28 qarqet në vend.