Radioja Kombëtare Bullgare © 2021 Të gjitha të drejtat janë të rezervuara

Çfarë makinash nget dhe blen bullgari?

Foto: BGNES

Bullgarët pa makina nuk munden. Kjo vihet re nga të dhënat për numrin e automobilave dhe të popullsisë në vend.Tek ne ka 7 milionë veta dhe sipas policisë rrugore automobilat në Bullgari janë rreth 4 milionë. Më interesante është pyetja se çfarë automobilash blejnë bullgarët? Përgjigja me dy fjalë është: makina të vjetra – kryesisht gjermane dhe mundësisht me naftë, të cilat në vetë Gjermaninë pritet se së shpejti nuk do të mund të përdoren për arsye ekologjike. Sipas Eurostatit, makinat deri më 5 vjet në Bullgari janë vetëm 5% ose rreth 160 000, ato deri më 10 vjet janë 10%, ose rreth 400 000 dhe ato midis 10 dhe 20 vjet – 60% ose afro 2,4 milionë. Automobilat më të vjetër – mbi 20 vite janë afro 1 milionë, që përbëjnë 25% të të gjitha automjeteve.

Preferencat ndaj makinave më të vjetra janë të kuptueshme – për shkak të aftësive blerëse më të ulëta të bullgarëve. Çmimi mesatar i një makine të blerë të vjetër është rreth 2000-3000 euro. Çmimet e automobilave të rinj fillojnë nga 10 000 euro e sipër dhe mundet të kuptohet lehtësisht se përse me rrogë mesatare prej 644 eurosh, numri i makinave të reja të blera për një vit është vetëm rreth 35 000.

Bullgaria është në një nga vendet e para në botë për nga prodhimi i pjesëve të këmbimit, i sistemeve dhe i komponentëve për pothuajse të gjitha markat botërore të veturave. Në vend punojnë  mbi 250 kompani në këtë sektor dhe ato u japin punë rreth 65 000 bullgarëve. Por ambiciet e qeverisë janë akoma më të mëdha dhe në këtë moment po zhvillohet një luftë e ashpër për tërheqjen e njërit prej prodhuesve më të mëdhenj gjermanë të automobilave në botë, i cili të hapë uzinë në Bullgari. Për këtë investim shanse të mëdha ka dhe Turqia, por Bullgaria bën çdo gjë të mundur t’i bindë investitorët gjermanë, se ajo disponon me vend dhe ofron kushte më të përshtatshëm për uzinën e tyre të re. Sipas publikimeve në mediat gjermane, preferencat tani për tani anojnë ndaj Turqisë, por vendimi përfundimtar pritet deri më 1 muaj. Paralelisht me këtë po zhvillohen bisedime për hapjen e një uzine të një prodhuesi të madh nga Koreja e Jugut  të automobilave dhe akoma një tjetër të një kompanie nga po ky vend aziatik, i cili është lider botëror në prodhimin e baterive për makina elektrike.

Dhe kur u bë fjalë për automjete elektrike, duhet thënë se në Bullgari makinat hibride dhe elektrike akoma nuk janë kaq të përhapura. Sipas të dhënave të fundit në vend lëvizin rreth 800 makina krejtësisht elektrike dhe mbi 2000 makina hibride.  Aktualisht  në tregun e brendshëm  ofrohen 18 marka të ndryshme automobilash me lëvizje alternative, çmimet e të cilave lëvizin midis 30 dhe 40 mijë euro. Sipas ekspertëve në degë përveç çmimit të lartë një nga pengesat kryesore  për zhvillimin e këtij “transporti të së ardhmes” tek ne është dhe mungesa e pikave të mjaftueshme për karrikim të këyre veturave, si dhe mungesa e një sërë shpërblimesh dhe zbritjesh, që u ofrohen në vendet e zhvilluara evropiane pronarëve të automobilave elektrikë.

Përgatiti në shqip: Nataniela Vasileva

Më shumë nga rubrika

Bullgaret lindin më herët në BE

Bullgaria është vendi në BE ku gratë lindin fëmijën e tyre të parë në moshë më të re, sipas Eurostat. Mosha mesatare në të cilën një grua bullgare lind fëmijën e saj të parë është 26.3 vjet në vitin 2019, tregon Eurostat. Rumania renditet e dyta..

botuar më 21-02-24 4.32.MD

Evitimi i ngacmimit shkollor - një çështje e praktikës së përditshme

E mërkura e fundit e muajit shkurt njihet si Dita e Bluzave Bojë Rozë dhe e drejton vëmendjen shoqërore drejt problemit me torturimin dhe ngacmimin në shkollë. “Ngacmimi është një nga shfaqjet emocionale në marrëdhëniet midis nxënësve, kurse në shkollë ka..

botuar më 21-02-24 2.44.MD

Shumë gra mund të mbeten përgjithmonë pa punë pas pandemisë

Një nga pasojat më serioze ekonomike të pandemisë botërore është papunësia në rritje. Para pak kohe Agjencia e Punësimit  shpalli 7% papunësi për muajin janar në Bullgari. A mund të flasim për shpërndarjen gjinore të papunësisë si pasojë e pandemisë, dhe..

botuar më 21-02-24 8.05.PD