„Beteja“ për postin e kryetarit të bashkisë së Sofjes – tema numër një në fillim të sezonit të ri politik

Foto: BGNES

Një ditë para seancës së parë të Kuvendit Popullor pas pushimeve verore, emocionet politike janë në kulm e sipër. Arsyet për këtë janë deklaratat zyrtare të rivaleve kryesore për postin e kryetarit të bashkisë së Sofjes për pjesëmarrje në garën zgjedhore. Emrat e tyre edhe deri tani lidheshin me zgjedhjet lokale gjatë tetorit, por tani pjesëmarrja e tyre është e sigurt.

Zakonisht kjo garë – për kryeqytetin e Bullgarisë, është tregues për tendencat në politikën e brendshme. Kryetarja aktuale e Bashkisë së Sofjes Jordanka Fandëskova pohoi zyrtarisht kandidaturën e saj për këtë post, kurse disa orë më vonë të njëjtën e bëri dhe avokatja e popullit Maja Manollova. Në lidhje me këtë situatë një e përditshme kryeqytetase shkruan se “zgjedhjet fillojnë me intrigë”. Dhe në të vërtetë është kështu. Partia GERB, e cila po qeveris në partneritet me parti nacionaliste, për zgjedhjet vendore zgjodhinjë partner tjetër – Bashkimi i Forcave Demokratike. Në Sofje partia në pushtet përkrah kandidaturën e Jordanka Fandëkova, por për të njëjtin post do të garojë dhe një kandidat tjetër nga hapësira e djathtë politike – ai i lëvizjes “Bullgaria Demokratike”. Rivalja kryesore e Fandëkovës – Maja Manollova është politikane me përvojë të madhe, e cila në të kaluarën e afërt ishte pjesë e Partisë Socialiste Bullgare. Por për zgjedhjet e ardhshme ajo preferon që kandidatura e saj të jetë e pavarur. Në këtë situatë organizata vendore e socialistëve në kryeqytet, po të dëshirojë mund ta përkrahë Maja Manollovën dhe tani për tani duket se kjo është e mundshme. Diçka interesante propozoi liderja e “Lëvizjes 21” Tatjana Donçeva, e cila para dy ditësh deklaroi se “partitë e djathta duhet ta përkrahin Manollovën, sepse “duke pasur parasysh kandidatët e tjerë, ajo është varianti më i mirë”. Studimi i zhvilluar nga agjencia “Gallup” tregon se është në të vërtetë e mundshme që Maja Manollova të marrë përkrahje edhe nga forcat e majta, edhe nga ato të djathta. Sipas sociologëve Maja Manollova aktualisht ka përparësi prej 8% para kandidates së GERB-it Jordanka Fandëkova dhe po të ketë balotazh, votat e “Patriotëve të Bashkuar” dhe të “Bullgarisë Demokratike” do të ndahen baras midis të dyja kandidateve.

Gara në Sofje do të ndiqet me vëmendje të madhe sepse fitorja eventuale e Manollovës mund t’i ndikojë negativisht pozitat e GERB-it në pushtetin ekzekutiv qendror. Por zgjedhjet vendore janë një sprovë e madhe edhe për partitë e tjera politike. Pas humbjes të cilën e pësoi Partia Socialiste Bullgare në zgjedhjet e fundit për Parlament Evropian gjatë kësaj pranvere, akoma një humbje në zgjedhjet lokale do të ketë pasoja të dëmshme për organizatën e brendshme politike të socialistëve dhe personalisht për lideren e partisë Kornelija Ninova. Dy partitë që janë pjesë e koalicionit qeverisës dhe që janë bashkuar në formacionin “Patriotët e bashkuar” – VMRO dhe Fronti Kombëtar për Shpëtimin e Bullgarisë, akoma nuk kanë marrë vendime për pjesëmarrjen e tyre në këto zgjedhje.

Zgjedhjet vendore më 27 tetor janë objekt i vëmendjes së shoqërisë edhe për një arsye tjetër. Për herë të parë fushatat zgjedhore të kandidatëve mund të financohen nga persona fizikë apo juridikë. Ndjeshmëria e shoqërisë lidhur me këtë temë është e madhe, aq më shumë se dje Ministria e Financave informoi se disa nga partitë (Partia Socialiste Bullgare, VMRO, Fronti Kombëtar për Shpëtimin e Bullgarisë dhe “Ataka”) akoma nuk i kanë kthyer subvencionet tepër të larta, të cilat i kanë marrë duke pasur parasysh rezultatet e zgjedhjeve të mëparshme. Pushimet verore të deputetëve përfundojnë më 4 shtator dhe atëherë do të zhvillohet seanca e parë e sesionit të vjeshtës dhe të dimrit të Kuvendit. Në të tema zgjedhore me siguri do të dominojë.

Përgatiti në shqip: Jordanka Ivanova


Më shumë nga rubrika

Kryeministri është i gatshëm të japë dorëheqje, por është kundër zgjedhjeve të parakohshme

Jam i gatshëm të jap dorëheqje, tashmë e kam bërë. Nuk dua që në asnjë mënyrë unë të jem shkaku për tensionin në vend. Me këto fjalë Kryeministri Bojko Borisov ua drejtua mbi 3000 delegatëve në mbledhjen e partisë në pushtet GERB. Fjalimi u..

botuar më 20-08-05 1.42.MD
Ish-Kryeministri Ivan Kostov

Ish-Kryeministri Ivan Kostov: Ka të ngjarë që të ketë krizë politike para zgjedhjeve

Ka të ngjarë që të ketë krizë politike para zgjedhjeve të rregullta parlamentare gjatë pranverës së vitit 2021. Një prognozë të tillë bëri para BNR-së Ivan Kostov – Ish-Kryeministër i Bullgarisë në periudhën 1997-2001. Sipas tij “kjo krizë do..

botuar më 20-08-03 4.01.MD

A do të mundet që entuziazmi i protestave të “lindë” politikë të re

Mos dëshira e pushtetit të dëgjojë zërat e protestave, të cilat tanimë pothuajse një muaj me radhë këmbëngulin për dorëheqjen e qeverisë dhe të prokurorit të përgjithshëm, ushqen vendosmërinë e demonstruesve ta çojnë nismën e filluar deri në përfundim..

botuar më 20-08-03 1.01.MD