Presidenti Rumen Radev  shprehu shqetësim  nga mungesa e përparimit në punën e Komisionit të përbashkët mbi çështjet historike dhe arsimore midis Bullgarisë dhe Maqedonisë së Veriut. Përpara anëtarëve bullgarë të Komisionit Radevi theksoi se Sofja duhet të vazhdojë me përkrahjen për integrimin euro-atlantik të Maqedonisë së Veriut, por kjo nuk duhet të bëhet për llogari të historisë bullgare, gjuhës dhe identitetit tonë. Në qoftë se deri më 1 muaj nuk ka garanci se do të zgjidhen të gjitha çështjet e diskutueshme për ngjarjet, personalitetet, ndryshimet e librave, të mbishkrimeve nëpër muze e të tjera, qeveria  duhet të shpallë një pozitë të re kombëtare, e cila të mbrojë interesin bullgar gjatë bisedimeve për aderimin e Maqedonisë së Veriut në Bashkimin Evropian, vuri në dukje Presidenti.