Komisionet e industrisë, studimeve dhe kulturës dëgjuan në Parlamentin Evropian Maria Gabriel. Komisioni juridik nuk konsideroi se ka nevojë për shqyrtim për konflikt interesash të lidhur me punën e deritanishme të kandidates bullgare për resorin “Inovacionet dhe rinia”, e cila në përbërjen e vjetër të Komisionit Evropian ishte përgjegjëse për ekonominë digjitale dhe shoqërinë digjitale.

“Në postin e ri do t’i vazhdoj shumë prej nismave të mia në resorin tim të mëparshëm. Do të kërkoj më shumë para për inovacione dhe shkencë, sepse ky nuk është shpenzim, por është investim”, tha Maria Gabriel.

Sipas saj sfida kryesore është ruajtja e pozitës evropiane të lideres në shkencë dhe nënvizoi se Kina është fill pas nesh sa i përket zhvillimit të shkencës dhe po zhvillohet me hapa të mëdhenj. Gabriel përfundoi fjalimin e saj në gjuhën bullgare, duke cituar himin tonë “Shko, o popull i rilindur” – gjë, e cila u duartrokit shumë nga dëgjuesit.