Greqia, Qiproja dhe Bullgaria organizojnë “Nismën për Itinerarin e Migrantëve në Mesdheun Lindor”. Ajo do të prezantohet në Këshillin e Drejtësisë dhe Punëve të Brendshme të BE-së më 7 dhe 8 tetor në Liksemburg.

Kjo është iniciativa e parë e vendeve-anëtare të BE-së, të cilat ndodhen në “linjën e parë” të itinerarit të refugjatëve. Shtetet-parashtruese kërkojnë masa konkrete në BE për shpërndarje të drejtë dhe solidar të migrantëve, për politikë të fortë për kthimin e të huajve në shtetet e origjinës së tyre dhe për financim suplementar të vendeve më të prekura që ndodhen në rrugën e klandestinëve. Athina, Nikozia dhe Sofja kërkojnë që të parashikohen më shumë fonde nga buxheti i Komunitetit deri në vitin 2026 për përballimin e situatës së lidhur me valën e migrantëve.