Në Ditën Botërore të Punës së Denjë -7 tetor, sindikatat e punonjësve në shëndetësi në Konfederatën e Sindikatave të Pavarura në Bullgari, me përkrahjen e Asociacionit të profesionistëve mbi kujdeset shëndetësore, organizojnë protestë kombëtare  në Sofje me kërkesë  për rroga më të mira, përmirësimin e kushteve të punës dhe reformë në shëndetësi, spitalet të mos funksionojnë si shoqëri tregtare dhe shteti të ndalojë  financimin e spitaleve private. Punonjësit në shëndetësi duan rrogë minimale midis 460 dhe 490 euro për infermieret dhe midis 560 dhe 615 euro rrogë fillestare për mjekët.

Shoqata e Mjekëve Bullgarë shpalli se nuk do të përfshihet në protestë për shkak të marrëveshjeve të arritura me Ministrinë e Shëndetësisë, të cilat garantojnë kushte më të mira të punës. Në një intervistë për Radion Kombëtare Bullgare doktoresha Mimi Vitkova – kryetarja e Shoqatës së shoqërive të licencuara të sigurimeve shëndetësore vullnetare dhe ish-ministrja e shëndetësisë, shprehu mendimin se në këtë moment po rrjedh një proces të zëvendësimit të plotë të shëndetit publik me atë privat.