Standardi shtetëror Bullgar nuk do të jetë i detyrueshëm për produktet për ushqim të fëmijëve midis 3 dhe 7 vjeç. Këtë e parashikojnë  ndryshimet në Rregulloren numër 6 për ushqimin e shëndetshëm të fëmijëve. Nga organizatat që punojnë në sektor vënë në dukje  se gjatë muajit qershor është arritur pajtim midis Këshillit Konsultativ pranë Ministrisë së Shëndetësisë për këtë, ushqimet për fëmijët të jenë në bazë të Standardit Shtetëror Bullgar, por më pas marrëveshja është ndryshuar.

“Mësuam se rregullorja do të parashtrohet për dikutim në Këshillin e Ministrave, por në të nuk ka kërkesë që të gjitha ushqimet - buka, mielli, qumështi, djathi, gjalpi, kaçkavalli, disa produkte të mishit, konservat, yndyrat bimore të jenë prodhuar në bazë të Standardit Shtetëror Bullgar. Standardet e afirmuara të degës dhe Standardi Shtetëror Bullgar janë të rëndësishme për të gjithë, sepse garantojnë cilësinë e lëndëve të para”, vuri në dukje në një intervistë për Radion Kombëtare Bullgare Marijana Kukusheva nga Bashkimi Kombëtar i Prodhuesve të Bukës dhe të Ëmbëlsirave dhe shprehu bindjen  se prodhuesit dhe konsumatorët nuk do të lejojnë heqjen e Standardit Shtetëror Bullgar në prodhimin e ushqimeve për fëmijët.