Radioja Kombëtare Bullgare © 2020 Të gjitha të drejtat janë të rezervuara

Dy përvjetorë të rëndësishëm shënohen në një koncert të madh

Sonte në sallën “Bëllgaria” adhuruesit e muzikës mund të dëgjojnë një koncert interesant me pjesëmarrjen e disa formacioneve – Filarmonisë së qytetit Pleven, Korit Kombëtar Filarmonik “Svetosllav Obretenov” dhe Ansamblit të Perkusive “Akcent” nga qyteti Pleven.  Solistë janë sopranoja Marija Cvetkova-Madxharova dhe tenori Ljubomir Djakovski. Pjesëmarrja e tyre parashikohet për pjesën e dytë të programit. Pjesa e parë kushtohet përvjetorit të 25-të të formimit të Ansamblit të Perkusive “Akcent”, solistët e të cilit punojnë dhe jetojnë jashtë shtetit – Vasilena Serafimova, Vlladimir Petrov, Vlladisllav Vërbanov, Evelin Genova. Nxënës nga Shkolla Kombëtare e Arteve “Panajot Pipkov” në qytetin Pleven dhe studentë nga Akademia Kombëtare Muzikore “Panço Vlladigerov” bashkë me mësuesin e tyre dhe themelues i formacionit “Akcent” Simeon Serafimov do të prezantohen me ekzekutime të tyre. Koncerti i është kushtuar edhe një përvjetori tjetër. Më shumë hollësi sjell organizatori i tërë programit Svllavill Dimitrovi, dirigjent i Korit Kombëtar Filarmonik:

Gjatë kësaj stine muzikore shënojmë edhe përvjetorin e 75-të nga formimi i Korit Kombëtar Filarmonik “Svetosllav Obretenov” ose siç e dinë njerëzit Kapela Korale Bullgare. Përveç të gjitha veprimtarive lidhura me këtë vjetor parashikojmë edhe tri cikle të koncerteve. Dy janë me Filarmoninë e Sofjes, ndërsa i treti – me Filarmoninë e qytetit Plleven. Më 21 tetor me ekzekutimin e veprës “Katuli Karmina” nga Karll Orf e hapim ciklin. Vepra “Katuli Karmina” Catulli Carmina (Songs of Catullus) ekzekutohet rrallë herë, megjithëqë bashkë me veprën “Karmina Burana” Carmina Burana dhe kantatën “Triumfi i Afroditës” Trionfo di Afrodite përbëjnë një trilogji. Veprën e kompozitorit Karll Orf e ekzekutojmë në pjesën e dytë të programit ndërsa në të të parë – suitën “Karmen” nga Bize-Shçedrin bashkë me Filarmoninë e Plevenit dhe Ansamblit të Perkusive “Akcent”. Më 24 tetor do të jetë koncerti i parë kushtuar jubileut të korit tonë. Gjatë kësaj stine krijuese kemi në plan të interpretojmë rekuiemët e Verdit dhe Gabreill Fores. Në fund të stinës është premiera e Sifmonisë së Shtatë nga Kshishtof Penderecki Krzysztof Penderecki “Shtatë portet e Jerusalemit” nën drejtimin e autorit.

Përsa i përket bashkëpunimit të Korit “Svetosllav Obretenov” me Filarmoninë e qytetit Pleven mund të them, se tashmë kemi disa koncerte të përbashkëta – vazhdon Svllavill Dimitrovi. – Kemi në plan të realizojmë një program me fragmente të operave në fillim të nëntorit. Koncerti i fundit nga cikli me Filarmoninë e Plevenit do të jetë në shkurt 2020. Atëherë nën drejtimin e Jordan Kamxhallovit do të prezantojmë Mesën № 3 nga Brukneri."

Një theks interesant në koncertin e sotëm do të jetë ekzekutimi i Ansamblit “Akcent” me të cilin muzikantët shpresojnë të befasojnë publikun.

Përgatiti në shqip: Svetllana Dimitrova

Më shumë nga rubrika

Stanisllav Hvërçillkov: Jam shumë i lumtur nga interesi të cilin e tregon publiku ndaj meje dhe ndaj punës sime

Pasi 15 vjet nuk kishte zhvilluar koncerte në atdheun e vet, gjatë vitit 2019 Stanisllav Hvërçillkov i gëzoi adhuruesit e vet me dy programe të ndryshme, për të cilat do të mësoni nga intervista e tij për Radio Bullgarinë. Do të rikujtojmë se ai i..

botuar më 20-01-15 3.56.MD

Në “Trupat e huaj” këngëtari Stenli ka tërhequr muzikantë nga Mançesteri dhe Dublini

Pas një pauze prej 17 vitesh në tregun muzikor bullgar u përhap albumi i ri i Stanisllav Sllanevit - Stenli – “Trupa të huaj”. Ai ka qenë vokal i grupeve “Tangra” dhe “Sprint”. Ka dhe disa albume të veta – “Lotët е endacakut” (1990), “Rruga drejt..

botuar më 20-01-05 11.30.PD

Gëzuar Vitin e Ri me interpretuesit tanë më të suksesshëm të muzikës klasike

Po fillojmë me një vepër të Bortniansky në interpretim të një prej artistëve më të mëdhenj operistikë në botë – basi i madh bullgar Boris Hristov . Në interpretim e vet ai e ka ndryshuar tekstin kishtar duke e shndërruar në një lutje për mirëqenie, paqe,..

botuar më 20-01-01 7.00.PD