Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

Pendarovski: Maqedonia e Veriut dhe Shqipëria duhet të vazhdojnë në rrugën e aderimit në BE

Foto: @ilirmetazyrtar

Maqedonia e Veriut, Shqipëria dhe vende të tjera të rajonit duhet të vazhdojnë në rrugën e aderimit në BE, sepse alternativa të tjera nuk ka. Këtë e tha presidenti i Maqedonisë së Veriut Stevo Pendarovski në një konferencë për shtypin me homologun e tij shqiptar Ilir Meta në Tiranë. Zoti Pendarovski propozoi, që vendet e Ballkanit Perëndimor të organizojnë takim të nivelit të lartë, në të cilin të diskutohet zgjerimi i BE-së dhe marrëdhëniet e fqinjësisë së mirë. Ai shtoi, se në se të gjitha vendet e Ballkanit Perëndimor janë dakord, Maqedonia e Veriut mund të organizojë këtë takim. Të dy presidentët vunë në dukje, se marrëdhëniet midis Shkupit dhe Tiranës janë të shkëlqyeshme dhe se duhet të zhvillohen edhe në të ardhmen me theks mbi ekonominë.


Serbia nënshkroi marrëveshje për krijimin e zonës së tregtisë së lire me Bashkimin Ekonomik të Evrazisë

Foto: belta.by

Vendet e Bashkimit Ekonomik të Evrazisë dhe Serbia nënshkruan në Moskë një marrëveshje për krijimin e një zone të tregtisë së lire. Ditën, në të cilën kryeministrja serbe Ana Bërbaniç e vuri nënshkrimin nën dokument, nga Brukseli deklaruan, se Serbia mund të jetë pjesë e marrëveshjeve me vende dhe organizata të tjera përderisa nuk bëhet anëtare e BE-së. Pas hyrjes së vendit në BE vendi duhet të tërhiqet nga marrëveshjet dypalëshe për tregti të lirë, tha zëdhënësja e BE-së Maja Kocijançiç. Sipas saj nuk bëhet fjalë për një kusht të ri, por për një të rregull të përbashkët që është një varësi për të gjitha vendet kandidate për anëtarësi në BE.


Turqia: Marrëveshja me Rusinë për Sirinë e Veriut  realizohet sipas planit

Foto: REUTERS

Ministri turk i mbrojtjes Hulusi Akar tha, se marrëveshja me Rusinë për normalizimin e situatës në Sirinë e Veriut realizohet sipas planit. Ai rikujtoi, se afati për tërheqjen e formacioneve kurde nga regjioni përfundon më 29 tetor në orën 18 dhe shtoi, se Ankaraja ndjek me vëmendje situatën. Sipas ministrit, Turqia nuk shfrytëzon armë kimike dhe nuk i shkel të drejtat e njeriut në kuadrin e operacionit. Më 22 tetor presidentët e Rusisë dhe Turqisë,  Vlladimir Putin dhe Rexhep Tajip Erdogan në një takim në Soçi arritën marrëveshje për veprime të përbashkëta për normalizimin e situatës në Sirinë Verilindore.


Sekretari i përgjithshëm i OKB-së ftoi liderët e të dy bashkive qipriote të takohen në Berlin

Foto: REUTERS

Sekretari i përgjithshëm i OKB-së Antoniu Guterish ftoi liderët e të dy bashkësive qipriote të takohen në Berlin. Takimi, që duhet të mbahet më 25 nëntor do të ketë për qëllim të caktojë hapat e mëtejshëm për rimëkëmbjen e bisedimeve zyrtare paqësore. Përpjekjet për bashkimin e ishullit janë në amulli që nga viti 2017, kur  bisedimet e nivelit të lartë në Zvicër për arritjen e marrëveshjes dështuan. Qiproja është e ndarë që nga viti 1974, kur pjesa e saj e veriut u pushtua nga Turqia në përgjigje të grushtshtetit nacionalist, qëllimi i të cilit ishte bashkimi i ishullit me Greqinë.


Standard&Poor's rriti rejtingun e kreditimit të Greqisë

Foto: arkiv

Agjencia Ndërkombëtare e Rejtingut Standard&Poor’s rriti rejtingun e kreditimit të Greqisë deri në nivelin BB me perspektivë pozitive duke parashikuar, se ka mundësi për një rritje të re gjatë vitit 2020. Agjencia e rejtingut saktësoi, se rritja eventuale e re do të jetë në varësi të vazhdimit të reformave ekonomike nga qeveria e së djathtas centriste dhe të kufizimit të problemeve të bankave greke për shkak të kredive të pashlyeshme.

Përpiloi: Miglena Ivanova

Përgatiti në shqip: Svetllana Dimitrova

Më shumë nga rubrika

Ekspozita “Fake (f)or Real” paraqet fakte interesante për falsifikimet më të mëdha në histori

Shtëpia e Historisë Evropiane - Brukseli viziton Muzeun Kombëtar Etnografik me ekspozitën udhëtuese "E vërteta apo gënjeshtër? Një histori e mashtrimeve dhe falsifikimeve”. Ekspozita do të qëndrojë në Sofje nga 16 korriku deri më 20 tetor, njoftojnë..

botuar më 24-07-16 6.30.PD

Specialistë të gjuhës bullgare nga tre kontinente shkëmbejnë përvojë dhe fitojnë njohuri në një seminar në Veliko Tërnovo

Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në Universitetin e qytetit Veliko Tërnovo. Sipas korrespondentit të BNR-së në kryeqytetin e vjetër,..

botuar më 24-07-15 5.14.MD

Arkitekti Rumen Xhagarov restauroi një shtëpi të vjetër dhe u kthye në fshat si një protestë kundër krizës demografike

Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por sipas statistikave, çdo vit “vdes” nga një fshat bullgar sepse prej tij është larguar edhe banori i..

botuar më 24-07-15 7.30.PD