Ankesat dhe sinjalet për shkelje të rregullave në procesin zgjedhor në balotazhin e zgjedhjeve vendore në Bullgari janë rreth 7% më pak në krahasim me ato të paraqitura në raundin e parë, informuan nga Komisioni Qendror i Zgjedhjeve një orë para përfundimit të ditës së votimit. Raundi i dytë në një të tretën prej bashkive ndoshta do të përfundojë me pjesëmarrje më të ulët në krahasim me atë të raundit të parë. Në orën 17.30 pjesëmarrja mesatare ka qenë 35.80%, që do të thotë se të drejtën e vet të votimit e kanë përdorur 1 430 691 veta prej 3 996 304 votuesve të regjistruar në përgjithësi. Në Sofje pjesëmarrja e votuesve ka qenë 33.33%, në Varnë – 23.37%, në Plovdiv – 23,74%.