Në Shtëpinë e Kulturës “Sredec” në Sofje u rregullua një ekspozitë kushtuar përvjetorit të 40-të të Asamblesë së parë Ndërkombëtare të Fëmijëve “Flamuri i Paqes”. Në të prezantohen fotografi dhe vizatime fëmijësh që ruhen në fondin e asamblesë.
Asambleja e Parë “Flamuri i Paqes” u organizua në Bullgari në vitin 1979, vit ky i cili u shpall nga OKB-ja – Vit Ndërkombëtar i Fëmijëve. Në organizimin e kësaj asambleje u përfshinë veprimtarë shoqërorë dhe kulturorë nga mbarë bota nën udhëheqjen e kryetares së Komitetit të Kulturës Ljudmilla Zhivkova – e bija e sekretarit të përgjithshëm të Partisë Komuniste Bullgare Todor Zhivkov. Që të marrin pjesë në asamblenë e parë erdhën 2500 fëmijë nga 77 vende. Në kuadrin e saj u mbajt edhe Parlamenti i Parë Botëror i Fëmijëve, në të cilin u miratua një letër apel drejt fëmijëve të mbarë botës.
Një nga veprimtaritë e rëndësishme në kuadrin e asamblesë ishte inaugurimi i Parkut Ndërkombëtar të Fëmijëve të mbarë botës “Kambanat” në të cilin miqtë nga të gjitha shtetet pjesëmarrëse dhuruan nga një kambanë – simbol i kulturës dhe i traditave të vendit të tyre. Në ceremoni asistoi edhe drejtori i atëherëshëm i përgjithshëm i UNESKO-së Amadu-Mahtar M’Bou (Amadou-Mahtar M'Bow).
390 fëmijë nga 138 shtete morën pjesë në katër edicionet e Asamblesë deri në vitin 1989. Pjesëmarrësit nga Bullgaria ishin 14 mijë. Në vitin 1990 u pezullua për të ringjallur në vitin 1999 nga e bija e Ljudmillës – Evgenija Zhivkova.
Piktor ikonash dhe mësues - këto dy fjalë i përmendim gjithmonë kur përpiqemi të ringjallim nga harresa e së shkuarës një piktor që hapat e parë në art i hodhi në vitet e para pas Çlirimit të Bullgarisë nga sundimi osman (1878). I tillë është Miljo..
"Shh... Është koha për një film" - me këtë moto Sofja bëhet kryeqyteti kinematografik i Evropës për dy javët e ardhshme. Edicioni i 29-të i forumit më të madh kinematografik në Ballkan – Sofia Film Festi Ndërkombëtar hapet sonte në sallën nr. 1 të..
Më 13 dhe 14 mars 2025 në Sofje do të mbahet Konferenca "Festivali dhe qyteti", e organizuar nga Shoqata Bullgare e Festivaleve me pjesëmarrjen ndërkombëtare të ekspertëve të Shoqatës Evropiane të Festivaleve. Gjatë forumit do të bëhet një analizë e..