„Zërat e mëdhenj bullgarë” është një kor folklorik krijuar në vitin 1971 nga dirigjenti i njohur bullgar Zdravko Mihajllov. Që nga viti 1999 drejtor i tij artistik dhe dirigjent është Ilija Mihajllov. Repertori i korit përfshin përpunime të folklorit autentik bullgar nga kompozitorë si Filip Kutev, Krasimir Kjurkçijski, Stefan Dragostinov, Petër Ljondev etj. Disa prej veprave që interpretojnë janë të krijuara posaçërisht për këngëtaret. Përveç folklorit në repertorin e grupit përfshihen edhe këndime kishtare ortodokse. Soliste të korit të zërave të mëdhenj bullgarë ishin Nadka Karaxhova, Kalinka Vëllçeva, Nadezhda Hvojneva, Hristina Ljutova, Kremena Stançeva e shumë këngëtare të tjera popullore me famë. Kori ka marrë pjesë në festivalet më prestigjioze botërore muzikore, ka dhënë koncerte në Evropë, Rusi, Amerikën Veriore, Izrael, është mbajtës i shumë çmimeve. Ka incizuar 25 albume dhe tre DVD.
Në vitin 2004 Qendra Kombëtare e Filmave xhiroi filmin dokumentar “Zëra” kushtuar këngëtareve. Në vitin 2009 ekip i Kompanisë Franceze të Producentëve Eva Production me porosi të Televizionit Mezzo, ishte në Bullgari për të xhiruar një film për korin, si pjesë e vargut “Koret më të mëdha në Evropë”.
Ilija Mihajllov tregon për shfaqjen e korit në Kinë në një forum, në të cilin për herë të parë morën pjesë edhe artistë bullgarë:
U prezantuam në Festivalin e Shtatë Ndërkombëtar të Trashëgimisë së Paprekshme Kulturore në Kinë në qytetin Çëndu të provincës Sëçuan. Festivali është 10 ditë dhe zhvillohet nën egjidën e UNESKO-së dhe Ministrisë së Kulturës së Kinës. Për këtë qëllim u ndërtua një qytezë e panairit ku tërë vitin rregullohen ekspozita. Theksi në festival vihet mbi gjithçka që është e paprekshme pra të gjitha artet dhe artizanate tradicionale. Është interesante se kinezët prezantohen edhe me prodhimin e çajit si një traditë e paprekshme. Për ta elementi shpirtëror në prodhimin dhe në konsumimin e çajit është me rëndësi më të madhe sesa ai komercial. Nga pesë kontinente u ftuan 15 grupe profesionale. Nga Evropa formacionet ishin tri – nga Anglia, Rusia dhe ne nga Bullgaria. Shfaqja jonë u mirëprit nga të gjithë.
Brenda 10 ditëve në Kinë “Zërat e Mëdhenj Bullgarë” kishin 15 koncerte në kuadrin e forumit. Për repertorin tregon dirigjenti Ilija Mihajllov:
Për koncertet në Kinë u zgjodhëm vepra të disa prej kompozitorëve më të mëdhenj bullgarë – Filip Kutev, Krasimir Kjurkçijski, Stefan Mutafçiev, Petër Ljondev. Për festival Stefan Dragostinovi krijoi dy vepra, të cilat i interpretuam në gjuhën kineze – “Tungjatjeta Kina, Bullgaria të përshëndet” dhe “Jasemini blu”. “Jasemini blu” është një këngë tradicionale kineze, por ne e prezantuam në përpunim folklorik bullgar. Organizuam dhe një klas të mjeshtërve në shkollën shtetërore muzikore në Çëndu. Ndër pjesëmarrësit në festival ishin dhe nëntë grupe kineze. Më bëri përshtypje organizimi, profesionalizmi, përgjegjshmëria e kinezëve.
Pas kësaj pjesëmarrjeje të suksesshme kori „Zërat e mëdhenj bullgarë” mori shumë ftesa për shfaqje të reja në Kinë, për veprimtari të përbashkëta krijuese në fushën e kulturës.
Përgatiti në shqip: Svetllana Dimitrova
Foto: arkiv personal22 kore nga Bullgaria, Serbia dhe Angola po marrin pjesë në edicionin e sivjetmë të Festivalit Ndërkombëtar Koral "Tingujt e Detit të Zi" në qytetin bregdetar bullgar Ballçik nga 12 deri më 16 qershor. Përveç katër mbrëmjeve të festivalit gjatë..
Mirosllav Ivanov është një kitarist, aranzhues dhe autor i muzikës, i cili është i pranishëm në shumicën e grupeve dhe projekteve më interesante të muzikës bashkëkohore bullgare. Ai gjithashtu ka tre albume solo me muzikë instrumentale -..
Në prag të verës, dy vëllezër - Javor dhe Viktor Georgievi - na ofrojnë këngën e tyre më të re, të titulluar pikërisht kështu - "Vera", nga projekti i tyre i ri SinFin. Vitin e kaluar 2023, Javor dhe Viktor regjistruan albumin e tyre debutues..
Në skenën e madhe të edicionit të katërt të "Midalidare - Rock in the Wine Valley" nga data 12 deri në 14 korrik në fshatin Mogillovo, përkrah..
Kompozitori Josif Cankov, i cili ka punuar nga fillimi i viteve 1930 deri në vitin 1971, jo rastësisht quhet Patriarku i muzikës bullgare. Ai është..