Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Legjenda e kinemasë bullgare Stefan Danaillov iku nga kjo botë

Foto: BGNES

Aktori Stefan Danaillov vdiq sot në mëngjes në moshën 76 vjeç në spital, ku prej një farë kohe ishte në gjendje kome mjekësore. Aktori i dashur nga publiku bullgar qe i diagnostikuar me sëmundjen e Parkinsonit dhe po kështu vuante nga një sëmundje e rëndë onkologjike.

Stefan Danaillovi ka lindur më 9 dhjetor 1942 në Sofje. Debutimi i tij në kinema ishte gjatë vitit 1956, kur ai ishte vetëm 13 vjeçar. Në moshën 27 vjeçare aktori i njohur mori pjesë në filmin me seri “Në çdo kilometër” në rolin e majorit të Sigurimit të Shtetit  Nikolla Dejanov me emrin e koduar Sergjej, i cili ka marrë pjesë në luftën kundër fashizmit. Filmi me seri gëzoi një interes të madh nga ana e spektatorëve. Ai ishte transmetuar në të gjitha vendet e atëhershme socialiste, e panë madje në Kinën e largët, kurse roli i Majorit i solli Stefan Danaillovit një popullaritet të madh.

Gjatë vitit 1966 Danaillovi përfundoi mjeshtëri aktori në Institutin e Lartë për mjeshtëri teatrale “Krëstjo Sarafov”. Pasuan pjesëmarrjet e tij në filmat “ Princi” dhe “Engjëjt e zinj”, të cilët i hapën dyert edhe më gjerë drejt lavdisë. Për këto role të tij Stefan Danaillovi është i dekoruar gjatë vitit 1963 me dekoratën për rol më të mirë burrash nga festivali i kinemasë bullgare “Trëndafili i Artë” në Varnë. Pjesëmarrja e tij në filmin italian me seri  “Oktopod” /La Piovra/, tema kryesore e të cilit vërtitet rreth luftës së policisë italiane me mafien e bëri të njohur dhe jashtë Bullgarisë.  Në karrierën e tij krijuese shumëvjeçare Danaillovi ka luajtur më shumë se 150 role në kinema, teatër dhe televizion, të cilat i kanë sjellë dekorata të shumta bullgare dhe të huaja dhe njohjen më të madhe për aktorin - dashurinë e madhe të publikut.

Gjatë vitit 1988 Stefan Danaillovi filloi të japë mësime në Institutin e Lartë për Mjeshtëri teatrale “Krëstjo Sarafov”. Studentët e adhuronin dhe e konsideronin si një nder të jenë nxënës të tij, duke e quajtur me respekt “Master”.

Danaillovi deri në fund luante në teatër-pjesëmarrja e tij e fundit teatrale qe në shfaqjen “Aktorja” nga Pitër Kuilër në Teatrin Popullor “Ivan Vazov”. Në intervistën e tij të fundit për Televizionin Kombëtar Bullgar nga muaji prill i këtij viti për programin “Horizont”, Stefan Danaillovi  tregoi: “Unë jam kundërshtar i trishtimit, pavarësisht se dhe mua më ndjek trishtimi kohë pas kohe, por në fund të fundit njeriu duhet t’i përfytyrojë gjërat pak në mënyrë më të gëzueshme që të mund të evitojë gjërat në jetë me më shumë gëzim dhe humor”.

Pas ndryshimeve demokratike , përveç si aktor dhe pedagog, Stefan Danaillovi qe dhe deputet nga e majta në Kuvendin Popullor dhe ministër i kulturës.

Edhe pse iku nga kjo botë, ai do të mbetet përgjithmonë në zemrat e publikut të vet. Një përkulje e madhe para kujtesës së tij!

Përpilues: Miglena Ivanova

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

U dhanë çmimet vjetore teatrore “Ikarus”

Në Ditën Botërore të Teatrit - 27 mars, në një ceremoni në Teatrin Popullor "Ivan Vazov", u dhanë për të 50-tën herë çmimet e artit skenik "Ikarus". "Haga" u shpërblye për performancën më të mirë. Krijuar nga autorja ukrainase Sasha Denisova dhe..

botuar më 24-03-28 9.31.PD

"Nga gazeta në muze" - karikaturat nga socializmi, të mbledhura në një ekspozitë

Një përpjekje për të rikthyer zhanrin e karikaturave në kushtet e sistemit totalitar të qeverisjes në Bullgari midis viteve 1944 dhe 1989 po bën ekspozita “Nga gazeta në muze”, e cila për të pestin muaj tashmë po tërheq vizitorët në Muzeun e Artit nga..

botuar më 24-03-23 9.30.PD

“Sofia Film Fest” viziton sërish Varnën

Më 22 mars, me filmin bullgar "Kurthi", në kryeqytetin tonë detar Varna fillon edicioni i XV-të i "Sofia Film Fest", njoftojnë organizatorët nga "Artin Vision". Nga  22 deri më 30 mars, adhuruesit e artit kinematografik në Varna mund të shohin një..

botuar më 24-03-22 6.55.PD